(كل الزوايا ) عبدالرحمن دقش يكتب… ( انقطاع الكهرباء عيب الحكومه وجنت علي نفسها براقش !! )
* هل انقطاع الكهرباء والمياه في السودان له اسباب لا تحل رغم انه يفيض بالانهار واشهرها النيل الازرق والنيل الابيض ونهر النيل الطويل ومع كل ذلك يستمر انقطاع الكهرباء بلا توقف ؟!!
* يا اهل العلم ان الانقطاع سببه عيب وفشل الحكومه والجدير بالذكر لقد طرحنا واقترحنا الكثير من الحلول ولكن ان ( الريس ) كامل ادريس بحكومه الامل والوزراء والوزيرات ينامون ولا علم لهم بذلك الانقطاع المتواصل والذي دمر كل المصالح وانفاس اهل السودان !! لقد ثبت ان عيب انقطاع الكهرباء في السودان يقع علي عاتق ورقاب ( الريس ) والوزراء والوزيرات بحكومه الامل بالسودان وهل يا كامل ادريس وبذمتك هل قطعت الكهرباء في ذات ليله من ليالي الافراح والليالي الملاح ولو لدقيقه واحده في بيوت هؤلاء العظمه من الرجال ؟!!
* زمان يا كامل ادريس وعندما كنا في الامارات وطوال تلك السنوات لم نشاهد ( قطع ) الكهرباء ولكن عندما نذهب الوطن في العطلات كنا طوال العطله نعاني و( نكرش ) اجسادنا من الباعوض وكانت الباعوضه تدخل معنا في مباريات دوليه وكانت اجساد اولادنا وبناتنا هي متعه الباعوض وهاك يا حقن وادويه !!
* الذي اذكره ولا انساه حكايه ابنتنا مع الدكتور وكانت في الخامسه وكان قبل ( الفحص ) علي الملاريا قال لها الراحل الدكتور ( عبدالوهاب ريس ) : يا بتي الحلوه عندكم في الامارات ( الكنش ) و( المفراكه ) و ( القرقريبا ) ؟!!
هنا نظرت ابنتنا الي الخلف وقالت لي : ( الدكتور دا مجنون وهل الكلمات دي باللغه العربيه ؟!! ) قلت لها انه بتكلم عربي ولكن انقطاع الكهرباء يحول اللغه العربيه الي لغه ثانيه !!
* لقد ذكرنا ذات يوم لحكومه الامل بالسودان ان انقطاع الكهرباء في السودان لابد ان ينحل ويحسم لان في الدول في بلاد بره لا تعرف انقطاع الكهرباء حتي لدقيقه واحده واذا قطعت في حالات وقوع الاشجار وذلك ليس عيبا فسوف تعالج الحكايه في حينها !! يا كامل ادريس علي سبيل المثال انه في المانيا كانت الكهرباء قد قطعت ( لدقيقه ) واحده وبعدها خرجت المظاهرات وطالبت بفصل وزير الكهرباء وحضر رئيس الجمهوريه واعتذر لهم وكان ذلك قد حدث مره واحده ولم يتكرر !!
* يا اهل السودان لو الكهرباء قطعت اكثر من اسبوع ولم ترجع ماذا يفعل الشعب. ؟!! هل المظاهرات سوف تحل المشكله ؟!!
لا نعتقد انها راجعه وبعدين بيوت اهل حكومه الامل وهم كامل ادريس والوزراء والوزيرات وكذلك مديره البنك المركزي اليوداني شغاله كهرباء ( تمام التمام ) وبيوتهم ليس فيها عيوب انقطاع الكهرباء وليس معهم ( براقش ) وعشان كدا ما قلنا جنت علي نفسها براقش !! * يا ( سعاده ) البروف كامل الطيب ادريس رئيس مجلس الوزراء بحكومه الامل بالسودان لو تصدق اننا كنا نظن ان الكهرباء في بيوت ( الريس ) والوزراء والوزيرات كانت بتقطع عندهم مثل اهل السودان المساكين ولكن وصلنا انها ( محصره ) ومحروسه ( بالموترات ) الكهربائيه وليس هنالك الانقطاع البته وهم هنا في البيوت وهناك في المكاتب لا خوف عليهم ولا هم يحزنون !!
معني ذلك يا كامل ادريس ان ( معدات ) حسم الكهرباء من الانقطاع في تلك الاماكن تمنع الملاريا والضنك !!
* كما نعرف ان ( الريس ) كامل ادريس قد وصل الينا من الخارج واستلم ( قبه ) الرئاسه ولكن لو وجد انقطاع الكهرباء في بيته بالخرطوم لما مسك الحكم ولكن كل حاجه تمام ولا هنالك الملاريا والضنك وسوف يجد كل حاجات سويسرا متوفره امام البيت وهنالك الايس كريم والشاورما والاقاشي وليس هنالك الباعوض ( الكعب ) وليست هنالك الامراض التي تسببها عدم وجود الكهرباء وليست هنالك فحوصات وتسلم يا ( الريس ) !!
* يا كامل ادريس رئيس مجلس الوزراء الانتقالي بحكومه الامل بالسودان عندنا ليك الخبر المفرح السار وهو تطور الكهرباء العالمي الذي حصل واخترع في دوله فلندا لوجود الكهرباء المجانيه !! هل سمعت بذلك الاختراع الجديد في عالم الكهرباء ؟!!
* الذي حصل في فلندا في الكهرباء قد ادهش العلماء وغير انكسار الكهرباء والذي كان فوق الخيال !! الذي حصل ان علماء دوله فلندا اخترعوا شبكه ايصال الكهرباء بلا اسلاك ومن الهواء مباشره يتم الاتصال بالكهرباء وتدخل كل المحلات وبعدها لا نستعمل الاعمده الكهربائيه ولا الاسلاك وتلك اختراعات فوق الخيال !!
اخترعوا شبكه الايصال اللا سلكيه ودا الابتكار الجديد الذي يغير مواكبه الحياه !! * يا كامل ادريس ( الريس ) بحكومه الامل بالسودان خلي بالك شديد من فلندا وسوف تجد مستقبل بلا اسلاك للكهرباء وشبكات وانما الاعتماد علي الهواء وتعمل منه كهرباء بلا حدود وكانت تلك هي الطاقه المطلوبه !! تاني يا كامل ادريس لن نسمع ( الكهرباء قطعت ) وذلك هو ذكاء العلم !!
* من هنا ابشرك بالخير يا ( الريس ) كامل ادريس بحكومه الامل بالسودان لان اختراع فلندا هو الحل الوحيد لازمه انقطاع الكهرباء في السودان وبعدها لن نسمع هنا وهناك ان الكهرباء ( قاطعه ) كل يوم. !!
* اها يا كامل ادريس ( الريس ) بحكومه الامل بالسودان هل تستطيع جلب المهندسين من فلندا للسودان لحل مشاكل انقطاع الكهرباء التي ( خربت ) الوطن ؟!!!
