هنالك أهداف… تعالوا نصنع المستحيل
الظهيرة – حسن الدنقلاوي:
بالطبع هنالك اهداف لكل منا ينشد الوصول اليها ولاخلاف علي ذلك وانا اليوم اضع هدفي امامكم بكل صدق وشفافيه واثق تماما في استغرابكم في هدفي الذي انشده.
ولكن الفرق بيني وبينكم اليوم انا عاوز اضع حدا للجدل الدائر بخصوص قائد التمرد المدعو محمد حمدان دقلو.
فانا اليوم قررت انضم للمدعو حميدتي وقبل أن توجهوا لي سهام النقد وترجموني الزموا علي الصبر واسمعوا كلامي للنهاية.
أنا عاوز انضم للتمرد بس بشرط.
فأنا طبعا زول معروف وما ساهل عشان انضم ساي.
زي الجماعة التانين…. فأنا عندي شروط لانو لو انضميت ساي كدي في ناس بحموني العقده في البلد دي.
فشوفوا ياجماعة أنا شرطي اولا اقعد مع حميدتي شخصيا ٠
ده اهم شيء واكون اللقاء بينا في قناة طيبة أو تلفزيون السودان والعالم كلوا يشهد بي قعدتنا والمذيع اقول خلال تقديمه لنا نرحب في هذا البث المباشر بالسيد حسن الدنقلاوي والسيد حميدتي وتاني باقي الكلام بتموا براي مافي زول الدخل… بيناتنا…
وانا بعد ده بطلب من منذ البرنامج اشقل لينا اغنية حماسية ونقوم نعرض أنا وحميدتي كان قالي معوق ومشلول بقول ليه اعفاني أنا ما ببايع لي زول بين الحياة والموت وكان نقز مع نقعد تب.
واقول شوف ياحميدتي ……..انت قلت عاوز الديمقراطية صاح…… هو بقول اي …..أنا متفقين تب كلنا ناس ديمقراطية.
والقائد العام زاتو زول ديمقراطية اذن كلنا مامخلتفين …..لكن كمان ياحميدتي الديمقراطية دي بتجي بالانتخابات ما بالمرتزقة والغدر…
هنا هو بقول قشوني وانا غلطان وندمان…. وانا بقول ليه طيب وقت دقسته وغلطان واعترفت بغلطك.
كدي ورينا القشوق كلهم واحد واحد …..علي الهواء مباشر فترنا من وسائل التواصل والميديا …. وبعد مايورينا الدغسوه وغشوه ….. هنا أنا من الاستديو وحدي كبير البلد عشان نرتب للانتخابات.
وكمان كان حميدتي ماجاء الاستديو اكون الكلام البتقال ده صحيح واكون انا لا تمردته ولا دخلت سوق النفاق والعمالة والمرتزقة المتابعين حميدتي ديل كل واحد اشوف ليه درب واتخارج ولا كمان اكون مغبي ومافاهم حاجه وناس الجيش.
والله عندهم اصرار وعزيمة مابتلين وتفويض شامل كامل من الشعب السوداني بحرب لاهواد فيها والحاضر اكلم الغائب ……. وكان حميدتي جاء اللقاء نكون صنعنا المستحيل.
