سلوى احمد موية تكتب…. كردفان يامحنة… ياربوع الخير ياجنة

كردفان قصة عشق لم تنتهي وزكريات طفولة ومرتع صبا محفورة في دواخلنا لانها الفن والابداع والرياضة والاجتماع، حنينة حتي البكاء عطوفة حتي الارتواء (ساقية في داخلنا مدورة مرة تدينا الحنين ومرة تدينا الإلهام للكتابة ومرة توقفنا حيارة ولا نستطيع ان نكتب حرف) تدهشنا حتي الثمالة فانذوب شوقآ وحنينآ ووله.

ندخلها بودعشانا مكمن الخير وبوابة الفرح بينها وبين ام روابة حلال وقري وفرقانهم ومجالس سمر رعاة ومزارعين حتي تلمح من بعيد نور الارسال يقول لك هنا ام روابة ياسائق سنده قف( نشيل السمسمية والتسالي والفول صواني تحمل بالراس بنات البلد بجمالهم الطبيعي الما مزيف ياحاجة عليك اشتري مني، فول تسالي سمسمية نديك) ونحن ناس جبر الخواطر تعالي يابتي جيبي تسالي وسائق البص مستعجل اتحرك والبنية السكرية جارية تحصل قروشه وانت بفرح تجدعهم ليها بالشباك ومعاها ابتسامة ومعليش يابتي *حنينة* *انتي* *ياكردفان* واتحركنا السميح السمحة متزينة بالنيم نزجيها التحية من بعيد لانه مافي سنده وديك الرهد ظهرت ابودكنة المسكين ما سكنة خلاوي تكرور تستقبلك عند الدخل روح وريحان وتصوف وعلي يمينك عماد الاقتصاد سوق محصولات الرهد لوري طالع ولوري

داخل هنا في سندة وديك يالجوافه بتاعت الثواني وديك المنقه بتاعت ابوجبيه في الكراتين معبية وفي الصواني مرصوصه وفوق الكتف محمولة( يابتي ختي لي في كيس بعشرة جنيه ياامي مافي بعشرة الا خمسطاشر) ياله من حوار ممتع اها مودعين السندة انتهت نتزكر قطار الشوق لمن كان يقيف في السكة حديد وهو جاي من عرديبة اها طلعنا خلاص ودعناك الله يارهد الخير ارقدي عافيه كردفان الشموح ديك جبال العين ياامي ده جبل كردفان هوي يابتي البعرفه انا انتي مابتعرفي وفجاة اظهر ليك جبل كردفان مبستم وهو يرتدي اجمل توب اخضر زي خضرة الهجانة الحمت الدعامة النوم عن يمينك وعن يسارك الجبل العجب لو جيت يوم جمعة ناس مشتته في الخلاء مرحلتين ومتنزهين والبكاسي والكلك والافانتي والتوسان والاتوس على مد البصر

ومن جبل كردفان لاحت المدينة العروس بهندامها الجميل وذوقها الرفيع العالي دائمآ تستقبل زائرها مبتسمة كردفان المحنة جيناك والشوق غمرنا جينا شايلين ليك فرحنا جينا نرتاح عند التبلدية جينا ناكل القدوقدو والاقاشي المظبط جينا ملهوفين نشرب الكركدي وكما يحلو لنا الانقارة الابيض يا حبيبة فيك الولي اسماعيل وودابوصفية والمحلبي ووقيع الله سليل الشيخ البرعي مااجمل الليل صوت النوبة من الاسماعلية نغم وطرب وعبادة.

الابيض فرقة فنون كردفان مسرح عروس الرمال المنتديات المنتشرة في كل الاحياء فيك غرد وغني ود سالم عبدالقادر وولد عبدالله عبدالرحمن وبت السنوسي ام بلينا وولد عباس صديق وإبراهيم موسى أبا وفتاح ووووووو وغيرهم

الابيض تنقا وانس النور ودالابيض وسواد الذهب الابيض اولاد عبدالكريم وبت ابوكندي وبت عبد الرازق وبت جعفر وودالخليفه وودحسن وللقائمة تطول

كردفان في الخريف الشاعر المعتق قاسم بريمة والأمي وحدباي ودفع الله السماني وعبدالرحمن صالح وعثمان بخاري وشيخهم محمد عوض الكريم القرشي

وبعد أن اكلنا الشية واللاقاشي مشينا غرب كازقيل وعمنا اسماعيل والجبنة المضفرة ابوحراز العيارة ووصلنا الخوي وطوينا الارض طي القهاوي المنتشرة والبيوت الحنينة وبذات الجمال جمال الطبيعه والأرض والانسان توكنا واصلنا المسير لاح جبل حيدوب رمز الشموخ وحكاية ابطال البلد التي تشكل السودان باكمله *دار حمر* والشايقيه والجعلين والمحس والنوبة والجنوبين وهذا عنوان التلاحم الاجتماعي والنسيج الترابط والانصهار بلد اسما الاحياء فيه باسماء لم تكون اصلها دار حمر ابورنات حي الشايقي والنصر وحي ابوجلوف وابوضقل و ابوسنون حي السوق حي المناصرة لاننسى خور (*ابوقمراية*) الفولة الحنينة التي يطل عليها بيت الامير ولد منعم منصور امير دار عموم دار حمر فك الله اسره

المدينة الملهمه التي دنسها الضغاة المارقين والمأجوربن جماعة آل دقلو الارهابية ولكن ستعودي بلد العلم والعلماء كما كنتي. من موقف مدينة النهود تنطلق اللواري لكل المدن والحلال والفرقان شمالآ وشرقآ جنوبآ وغربآ الي ودافور الحبيبة ارض التقابة والقرآن وكسوة الكعبة المشرفة قدح الميار كردفان قصة عشق لم تنتهي وزكريات طفولة ومرتع صبا محفورة في دواخلنا لانها الفن والابداع والرياضة والاجتماع، حنينة حتي البكاء عطوفة حتي الارتواء (ساقية في داخلنا مدورة مرة تدينا الحنين ومرة تدينا الإلهام للكتابة ومرة توقفنا حيارة ولا نستطيع ان نكتب حرف) تدهشنا حتي الثمالة فانذوب شوقآ وحنينآ ووله.

ندخلها بودعشانا مكمن الخير وبوابة الفرح بينها وبين ام روابة حلال وقري وفرقانهم ومجالس سمر رعاة ومزارعين حتي تلمح من بعيد نور الارسال يقول لك هنا ام روابة ياسائق سنده قف( نشيل السمسمية والتسالي والفول صواني تحمل بالراس بنات البلد بجمالهم الطبيعي الما مزيف ياحاجة عليك اشتري مني، فول تسالي سمسمية نديك) ونحن ناس جبر الخواطر تعالي يابتي جيبي تسالي وسائق البص مستعجل اتحرك والبنية السكرية جارية تحصل قروشا وانت بفرح تجدعهم ليها بالشباك ومعاها ابتسامة ومعليش يابتي *حنينة* *انتي* *ياكردفان* واتحركنا السميح السمحة متزينة بالنيم نزجيها التحية من بعيد لانه مافي سنده وديك الرهد ظهرت ابودكنة المسكين ما سكنة خلاوي تكرور تستقبلك عند الدخل روح وريحان وتصوف وعلي يمينك عماد الاقتصاد سوق محصولات الرهد لوري طالع ولوري داخل هنا في سندة وديك يالجوافه بتاعت الثواني وديك المنقه بتاعت ابوجبيه في الكراتين معبية وفي الصواني مرصوصه وفوق الكتف محمولة( يابتي ختي لي في كيس بعشرة جنيه ياامي مافي بعشرة الا خمسطاشر) ياله من حوار ممتع اها مودعين السندة انتهت نتزكر قطار الشوق لمن كان يقيف في السكة حديد وهو جاي من عرديبة اها طلعنا خلاص ودعناك الله يارهد الخير ارقدي عافيه كردفان الشموح ديك جبال العين ياامي ده جبل كردفان هوي يابتي البعرفه انا انتي مابتعرفي وفجاة اظهر ليك جبل كردفان مبستم وهو يرتدي اجمل توب اخضر زي خضرة الهجانة الحمت الدعامة النوم عن يمينك وعن يسارك الجبل العجب لو جيت يوم جمعة ناس مشتته في الخلاء مرحلتين ومتنزهين والبكاسي والكلك والافانتي والتوسان والاتوس على مد البصر

ومن جبل كردفان لاحت المدينة العروس بهندامها الجميل وذوقها الرفيع العالي دائمآ تستقبل زائرها مبتسمة كردفان المحنة جيناك والشوق غمرنا جينا شايلين ليك فرحنا جينا نرتاح عند التبلدية جينا ناكل القدوقدو والاقاشي المظبط جينا ملهوفين نشرب الكركدي وكما يحلو لنا الانقارة الابيض يا حبيبة فيك الولي اسماعيل وودابوصفية والمحلبي ووقيع الله سليل الشيخ البرعي مااجمل الليل صوت النوبة من الاسماعلية نغم وطرب وعبادة. الابيض فرقة فنون كردفان مسرح عروس الرمال المنتديات المنتشرة في كل الاحياء فيك غرد وغني ود سالم عبدالقادر وولد عبدالله عبدالرحمن وبت السنوسي ام بلينا وولد عباس صديق وإبراهيم موسى أبا وفتاح ووووووو وغيرهم

الابيض تنقا وانس النور ودالابيض وسواد الذهب الابيض اولاد عبدالكريم وبت ابوكندي وبت عبد الرازق وبت جعفر وودالخليفه وودحسن وللقائمة تطول هذا للمثال

وبعد اكلنا الشية وللاقاشي مشينا غرب كازقيل وعمنا اسماعيل والجبنة المضفرة ابوحراز العيارة ووصلنا الخوي وطوينا الارض طي القهاوي المنتشرة والبيوت الحنينة وبذات الجمال جمال الطبيعه والأرض والانسان توكنا واصلنا المسير لاح جبل حيدوب رمز الشموخ وحكاية ابطال البلد التي تشكل السودان باكمله دار حمر والشايقيه والجعلين والمحس والنوبة والجنوبين وهذا عنوان التلاحم الاجتماعي والنسيج المترابط بلد اسماء الاحياء فيها باسماء لم تكون اصلها دار حمر ابورنات حي الشايقي والنصر وحي ابوجلوف وابوضقل و ابوسنون حي السوق حي المناصرة لاننسى خور ابوقمراية الفولة الحنينة التي يطل عليها بيت الامير ولد منعم منصور امير دار عموم دار حمر فك الله اسره

ياايتها المدينة الملهمه التي دنسك الضغاة المارقين ولكن ستعودي بلد العلم والعلماء كما كنتي من موقفك تتنطلق اللواري لكل المدن والحلال ودافور الحبيبة ارض التقابة والقرآن وحتما سوف نصلك ونحكي زكرياتنا وبعد ان نمر باوزبد المرين صيف بقارة وخريف ام سعين والفولة الحميرة شبهة الخرطوم والمجلددينقا ام الديار بابنوسة القميرة وغبيش جريبان ونقطع قوز جمل نستريح عند مستريحة ونقيل في شجر برام الوارفة الظلال.

وحتمآ سوف نصلك ونحكي قصصنا و زكرياتنا وبعد ان نمر بابوزبد المرين صيف بقارة وخريف ام سعين والفولة الحميرة شبهة الخرطوم والمجلددينقا ام الديار بابنوسة القميرة وغبيش جريبان ونقطع قوز جمل بعد ما نرمي الصاجة في الرملة الدقاقة ونستريح عند مستريحة ونقيل في شجر برام الوارفة الظلال.