( كل الزوايا ) : عبدالرحمن دقش يكتب : ( هاكم كيفيه تقدم ونهضه السودان في عامين بس !!)
* كما قلنا لكم يا اهل السودان ان دوله سنقافوره انفصلت عن دوله ماليزيا عام 1965م ولم تمر السنوات الا واصبحت من اغني واميز واجمل دول العالم رغم انها من قبل كانت في الوحل والتفكيك ولكن كان تعاون واتفاق الشعب وعملوا معا وهزموا ومسحوا الانهيار ولكن ماذا فعلوا وخططوا لتلك السياسه النافعه ووصلوا الي تلك الدرجه من التقدم والتفوق ؟!!
* هل يصدق اهل السودان ان سنقافوره قبلها ليس فيها ناطحات السحاب من البناء والهندسه العجيبه وكانت معظم المباني من ( القش ) وكانت بلا حمامات واما الكهرباء والشوارع ( الاسفلتيه ) والمدارس والمستشفيات فلا وجودلها ولكن ماذا فعلوا وخططوا حتي وصلوا الي ذلك التقدم والنهضه ؟!!
* كانت القرارات رهيبه واولها حرق ومنع الاحزاب ونادوا بشعارات ( لا احزاب بعد اليوم ) وكانت محاربه القبليه والجهويه والمحاصصه وايدولوجيات الاحزاب وكان كل ذلك من اجل وحده الوطن وتعاونوا معا من اجل التطوير والتقدم وكلنا امه واحده !! من الصعب تفسير ما فعله اهل سنقافوره حتي وصلوا الي تلك الدرجات وقد وصلت دولتهم الثريا !! * يا اهل السودان ان اتفقنا او لم نتفق ان السودان ومنذ استقلاله عام 1956م وحتي هذا العام 2026م ويعني بعلوم الرياضيات تساوي ( السبعين ) من الاعوام وطوال تلك السنوات لم نشاهد ( شبرا ) من التقدم والنهضه وهل اليس من الخجل ان نقول هنالك شارع ( الاسفلت ) العجيب وهو من المكسر والمنهدم علي طول وعباره عن ( قسمين ) ذهابا وايابا ويطلق عليه شارع الخرطوم / مدني !! الذي عرفه اهل السودان ان ذلك الشارع قد اطلق عليه شارع الموت وهو الضيق واحيانا تدخل البصات والسيارات بيوت الناس دفاعا عن عمليات المخالفات المروريه !!
يا حكومه الامل بالسودان اليوم ندلكم علي سر وهو ان اموال الدخول والخروج الي الخرطوم التي يدفعها اهل السودان في محطات الدخول والخروج يمكن ان تعمل شارع الخرطوم / مدني من ( خمس ) ممرات ذهابا وايابا !! اذا لم يصدق اهل السودان فليخبروا كامل ادريس رئيس مجلس الوزراء بحكومه الامل بالسودان ويلفتوا نظره وعليه ان يذهب الي المشير عبدالفتاح السيسي حاكم مصر وماذا صرف في شارع القاهره / الاسكندريه وهو شارع ( خمس ) ممرات ( مسفلته ) ويتكون من تلك الهندسه البديعه !! * يا اهل السودان اين وكيف نبحث في السودان عن تطور وتقدم الهندسه والطب والتربيه والتعليم والتجاره والصناعه والمعادن والذهب والزراعه والبترول والغاز واليورينيم والمواشي والسمسم والصمغ وهلم جرا وكل تلك موجوده بالسودان. ؟!!
* نقول الي اهل السودان يجب ان نعتمد علي المستقلين وهم خير المساعدين وعلي استعداد لتطوير الوطن السودان وهم الخطوط الرئيسيه للتنفيذ وخدمه السودان !! هنا اليوم نوضح الي اهل السودان مناهج الدراسه وداخلها الشرفاء حتي يصبح السودان وخلال عامين من اقوي واغني دول العالم وهاكم اسمعوا وسجلوا : + طلب التسجيل من ( سيدي الرئيس ) الفريق اول ركن عبدالفتاح البرهان عبدالرحمن رئيس مجلس السياده الانتقالي بالسودان ومعه اعضاء المجلس ان يكون تقدم وتطور الوطن السودان خلال ( عامين ) فقط واختيار جماعه من المستقلين والاتفاق مع دوله الصين بشروط واضحه متفق عليها بين السودان والصين !! + خلال العامين يجب ان تكون حكومه الامل كلها من ( المستقلين ) من الداخل والخارج وبعد نهايه العامين والنجاح يتم تحديد زمان الانتخابات ووقتها سوف تظهر نجاحات اتفاقيه السودان والصين !! + يتم اختيار وفد من حكومه الامل بالاسماء الشامله العارفه ما يوجد تحت الارض ومناقشه ذلك مع دوله الصين. !!
+ الاتفاق مع دوله الصين والسماح لها بحضور ما يقوم بحراسه السودان وخاصه الامتلاكات التي ترغب في الخروج مثل الذهب والمعادن والبترول والغاز واليورينيم والزراعه وما شاكل ذلك وهي كثيره وتحتاج الي الخروج !! + يتم الاتفاق مع الصين علي استخراج كل المنتوجات المخفيه وتكون متفق عليها ومسجله وبشروط رسميه. !! + ترك الفرصه لدوله الصين لبحث وتخريج ما يمكن استخراجه من منتجات اخري ولم يفكر اهل السودان في البحث عنها وارض السودان واسعه !! + السماح لدوله الصين توضيح ما يمكن السودان عمله من مصانع داخل السودان وحتي لو كانت في العديد من الولايات وهنا اذكر دوله الصين انها في زمن النظام البائد كانت تود قيام مصنع السكر بمحليه السوكي بولايه سنار وحدث الخلاف وبطلت العمل وكما انسحبت الصين من حفر مصانع البترول بولايه النيل الابيض !! + وضع مشروع استخراج الذهب من داخل كل الولايات مع الصين ووقف تلاعب بعض الدول الخارجيه بالاعمال ( الشينه ) وصارت تشحن الذهب يوميا بالطائرات وعلي عينك يا تاجر وحتي ايام حرب ابريل 2023م شاهد اهل ولايه نهر النيل تلك العمليات ولكن اين كانت الحكومه ؟!! + توضع الشروط اللازمه الثابته مع الصين علي تحديد اماكن البحث ومع كل ذلك يمكن الاتفاق مع الصين علي عمل ما ينفع السودان في كل الملاذات والاشياء الراقيه المتقدمه النافعه.!! + بالاتفاق الشامل مع الصين تتدخل حكومه الامل وتحدد لدوله الصين بنايه واصلاح كل منافذ السودان وهي كثيره ولكن اطلبوا قيام شوارع الاسفلت بالنوعيه الحديثه ويمكن كذلك الاتجاه الي الولايات كلها !! + بالاتفاق الهندسي الشامل يتم الاتفاق مع الصين علي بناء العمارات والبنايات وناطحات السحاب ان كانت في الخرطوم او غيرها من الولايات وبالاتفاق مع ولاه الولايات والمتفق عليها !! + خلال العامين يمكن لدوله الصين ان تدخل معها المهندسين السودانيين لمعرفه ما يمكن معرفته عن تقدم الهندسه !! + قبل بدايه العمل من الصين علي حكومه السودان الامل توضيح مساحه السودان لعمل ما يمكن عمله من خدمات وكما يمكن ان تعمل الصين الجسور المانعه لدخول البعض من دول الجوار والقصد من ذلك دول الجوار التي ارادت تحطيم السودان ونقصد هنا تشاد واثيوبيا ولكن جارتنا مصر تظل في امن وامان وكفايه ( مصر يا اخت بلادي يا شقيقه ) !! + ( تظبيط ) المحلات المجاوره وهنا يمكن لدوله الصين تعليم وتدريب جماعه من اهل السودان نوعيه ونظم المحافظه علي الامن والامان والحفاظ علي مناطق الجوار وهنا يمكن تدريب جماعه الدفاع والجيش والشرطه وذلك لخدمه حمايه الوطن. !!
+ يمكن لدوله الصين معرفه المناطق المجاوره لدوله السودان والعمل علي تدريب الدراسه لجنود السودان في تلك السنوات لحمايه الوطن وكما تعرف الصين ان السودان له اعمال ومصالح وخاصه في مناطق الشرق والغرب. !! + يمكن الاتفاق مع الصين علي نهضه المواصلات الجويه والبريه والطيران وكما يمكن الاستفاده من مياه النيل الازرق والنيل الابيض وان تساعد الصين السودان في قيام اكبر مصانع المياه ولن تكون هنالك ازمات المياه التي لا يزال السودان داخلها وبعدها سوف نصدر المياه وستكون احلي واعذب المياه في العالم !! من المؤكد جدا ان الاتفاق مع الصين لن نسمع بعده ازمات انقطاع الكهرباء وحقيقه لو تم الاتفاق مع الصين فلن نسمع بالمشاكل في عامين وهنا ماذا يقول اهل السودان ؟!!!
