( كل الزوايا ) عبدالرحمن دقش يكتب… ( حكومه الامل عاوزين تحركات وعمليات لارجاع الكهرباء !! )
:* يا اهل السودان المساكين الاوفياء يمكن السماح لكم اعتقال كل العاملين في هندسه الكهرباء في السودان وكمان معاهم وزير الطاقه بحكومه الامل بالسودان لوقف جرائم انقطاع الكهرباء وبتلك الصور الشاذه !!
* هل يا كامل ادريس ( الريس ) لحكومه الامل بالسودان هل انقطاع الكهرباء يسمي ( مرض) الكهرباء وهو المعدي الذي دخل كل الولايات ؟!!
* الواضح من انقطاع الكهرباء ان وزير الطاقه قد قام وقتل ( براقش ) ولم يسمع الوزير ( الشاطر ) المزيد من النبيح وبعدها انشغل اهل السودان ونسوا انقطاع الكهرباء و( شطبت) مناهج الكهرباء وما ادراك ما الكهرباء !!
* حقا لقد بلغ السيل الزبي واصبح اهل السودان بدون كهرباء يعانون من مشاكل لا تعد وتحصي وبالمناسبه دي هل وزير الطاقه والكهرباء يعلم ان انقطاع الكهرباء في الوطن قد ادخلت امراض الملاريا والضنك وقد عمت القري والحضر ولا يمكن العلاج ولا كهرباء في المستشفيات والعيادات وظلت قاطعه الي يوم الدين ؟!!
* يا ( سعاده ) البروف كامل الطيب ادريس رئيس مجلس الوزراء الانتقالي بحكومه الامل بالسودان ومعك وزير الطاقه تعلمون حقا ان وزير الصحه الاتحاديه بحكومه الامل قد ذكر ان علاج الضنك يحتاج الي 30 مليون دولار وهنا نعمل شنو ؟!!
نخلي الكهرباء قاطعه في كل الولايات ومعها انتشار الملاريا والضنك ؟!!
طيب يا جماعه انقطاع الكهرباء كدي امشوا الي ( الفكي ) جبريل ابراهيم وزير الماليه و( كلموه ) حتي يتم العلاج دون تعب وارهاق !!
* هنا كلامنا الصعب نهديه الي علماء هندسه الكهرباء بالسودان ونقول لا علم لنا بشؤون الكهرباء ولم ندرسها ولكن كيف يقبل العقل والمنطق عدم وجود الكهرباء والسودان جغرافيا سيد الانهار ؟!!
ناس مصر واثيوبيا ما عندهم مشاكل الكهرباء فما هو الدليل في انقطاعها في السودان ؟!! * يا قوم اهل هندسه الكهرباء بالسودان ما هو دور سد مروي وخزان سنار. ؟!!
زمان سمعنا ان خزان سنار الذي اقامه الاستعمار الانجليزي عام 1925م في النيل الازرق كان القصد توفير الكهرباء ولكن اليوم وفي زمن حكومه الامل بالسودان نسمع ان الكهرباء قاطعه كل يوم ولساعات وبالنهار والليل !!
* الذي لا انساه وفي عهد النظام البائد كانت الكهرباء بولايه سنار في انقطاع لا يوصف وبصوره عنيفه واذكر ذهابي الي والي ولايه سنار وكان الاحتجاج وانتشرت امراض الملاريا وكان رده ان ( الضب ) الكبير قد دخل الشبكه في سنار وتعطلت الكهرباء واستمر الانقطاع الي يومنا هذا !! هنا برضو نترك حكايه الضب الكبير وجرائم انقطاع الكهرباء الي جماعه هندسه الكهرباء في السودان !!
اها يا وزير الطاقه بحكومه الامل بالسودان هل نجد عند ( سيادتكم ) من الذي يقطع الكهرباء في السودان واوع تعلق حكايه ( الضب ) في اجنده الوزاره ؟!!
* الان وفي عهد حكومه الامل بالسودان لا نري تحركات وزير الطاقه لعلاج انقطاع الكهرباء المزعج في السودان والذي يحصل ان انقطاع الكهرباء ظل مثل الامراض المنتشره ولم تنجح جميع حكومات السودان منذ الاستقلال الذي حدث في عام 1956م في علاج انقطاع الكهرباء. !!
* يا كامل ادريس ( الريس ) لحكومه الامل بالسودان لقد وضعنا امامك الحلول لمحاربه انقطاع الكهرباء في السودان وطلبنا منك الاستعانه ببعض الدول الخارجيه ومنها اليابان وقبل يومين طلبنا منك الاستعانه بدوله فلندا وشرحنا لك الامور النافعه !! يا كامل ادريس هل تابعت تلك الاخبار وما كتبناه عن تلك الحلول ؟!!
* ندعو الله سبحانه وتعالي ان يصبر اهل السودان العظماء الشرفاء من استحمال عدم وجود الكهرباء وانقطاع اذيالها وكان ذلك الشرك الكبير وهو عدم وجود الكهرباء في الانوار والثلاجات والمصانع والشركات والمستشفيات والمدارس والجامعات. وثم ان الحالات لا يمكن ذكرها كلها وهنالك الاسواق والمنازل والزيادات ولكن صبرا ال اهل السودان وانتم قد وصلتم صبر يونس !!
* يا وزير الطاقه بحكومه الامل بالسودان انت عارف لماذا نطالب ارجاع الكهرباء الي اهل السودان ؟!!
من الاسباب ان دول كثيره تنعدم المقارنه بينها وبين دوله السودان قد استطاعت معالجه انقطاع الكهرباء دون تعب وارهاق وكانت الاسباب تدخل الدول الكبري وقد قدموا المساعدات والتبرعات ومن تلك الدول اليابان والمانيا !!
* لو تم ذلك يا وزير الطاقه بحكومه الامل بالسودان لن نسمع ونري انقطاع الكهرباء في كل ولايات السودان وسوف نجد الحياه في امان ودون خوف ووجل ومن هنا يا وزراء ووزيرات حكومه الامل بالسودان جربوا تلك الدول التي لا تعرف انقطاع الكهرباء ولك الله يا وطن السودان الحبيب الجريح !!!
