لاعب الهلال السوداني سيف مساوي في رسالة مؤلمة.. الجنجويد ضربوني بحقد وحاولوا نهب منزلنا
متابعات- الظهيرة:
بعث لاعب نادي الهلال السوداني سيف مساوي برسالة مؤلمة أكد من خلالها هجوم مليشيات الدعم السريع على منزلهم في منطقة أمبدة بالعاصمة السودانية الخرطوم.
وبحسب الرسالة التي اطلعت عليها الظهيرة قال مساوي: (أمس جوني في البيت…. قاعدين يكسروا في الباب قلت ليهم دقائق بفتح ليكم… دخلوا فتشو البيت حتا حتا …. قلبو البيت م خلو شي شالوا تلفون أبوي وامي… انا بس سمعت كسير الباب دسيت تلفوني…. واحد قال لي عشان أخارجك من الناس ديل وريني محل الدهب والقروش قلت ليهو أنا عاطل لي 5 شهور. م عندي قروش ولا قرش والله ضربوني ضرب بي حقد قال لي مفتاح العربية وين؟.
أديتو المفتاح قلت ليهو العربية عاملة حادث ليها فترة مغبرة واقفة ما تتحرك وكدا… قال لي دي م بتنفع معاي.
بقو يفتشو يفتشو في الصالون عندي بترينا كبيرة فيها شهادات وهدايا وميداليات في واحد من أولاد الخرطوم قال ليهم تعالو نمشي الزول دا م عندو حاجة بالحكومة ولا سياسة دا زول كورة ساكت طلعوا خلوني واقع وإمي وأبوي نفسيتهم إنكسرت لما شافوني بالمنظر دا حسبي الله ونعم الوكيل ….الحمد لله علي كل حال).
