(كل الزوايا) عبدالرحمن دقش يكتب : ( مديريه ( ولايه ) الخرطوم زمان والحاكم حاكم ولو طالت عمامته !!)
* في زمن استعمار الانجليز للسودان ونال الاستقلال في عام 1956م وحتي في عام 1959م كانت ولايه الخرطوم تسمي مديريه الخرطوم وكان عدد السكان فيها مليون نسمه واليوم ولايه الخرطوم عدد السكان فوق العشره مليون واصبح حال السكان يدور حول ( عيونك كانوا في عيوني ) وهل تتفق معنا يا احمد عثمان حمزه والي ولايه الخرطوم المكلف. ؟!!
* بمناسبه الزواج وما ادراك ما الزواج وما يحدث في زمننا الحالي بولايه الخرطوم من زواج التعدد وتداول ( زوجه واحده لا تكفي ) اود ان اعقد المقارنه بين حكايات الزواج واغراضه من عام 1959م والذي وصلت اليه انه في ذلك العام 1959م كان هنالك 1500 من الرجال كان ربطهم مع ( اربع ) زوجات و 3700 من ازواج (‘ثلاث) زوجات وهنالك ما يقارب ( عشره ) الف رجل في زواج ( اثنين ) واما من زوجه واحده فهي للباقيات من النساء المتزوجات ولم تكن هنالك البايرات ( العنوسه ) الا بصوره قليله.
وكانت تلك هي الحقائق والمصادر. !!
* طيب يا والي ولايه الخرطوم المكلف احمد عثمان حمزه في زمنك الحاضر نبعد عنك وخاصه بعد نهايه حرب 15 ابريل 2023م ونخلي اسطوانه زوجه واحده لا تكفي لانه انت ما فاضي وما عندك وقت ونراك تبذل الجهود والاعمال الرفيعه المستوي وتستقبل النازحين من اهل الخرطوم وتعمل لاعاده الخرطوم كما كانت عليه وليس هنالك ذلك الباب حتي نفتحه في هذا الزمن وهو التعدد والزواج اكثر من واحده !!
* لكن يا سياده والي ولايه الخرطوم المكلف احمد عثمان حمزه لو تصدق نحن نشفق عليك كثيرا وانت تحكم فات عدد سكانها علي العشره مليون وزمان كانت مليون واحد وكان ما اسهل حكمه ولكن حكم اليوم لمختلفا جدا ونسبه السكان تزداد يوما بعد يوم !!
* يا احمد عثمان حمزه والي ولايه الخرطوم المكلف هل تصدق انه زمان كانت اعداد السيارات المملوكه لبعض الناس وبالتقريب لا تزيد عن 15 الف سياره ولكن اليوم اعدادها قد تجاوزت الملايين ومن الصعب حصرها !!
* من ناحيه حركه المرور والشرطه ولو اردنا المقارنات في مكاتب الشرطه والمرور والشوارع ففي ذلك الوقت القديم كانت السيارات لا تسير علي اليمين لان ذلك علي نظام حركات المرور. وكانت السيارات في انجلترا ذات ( الدركسون ) في الناحيه اليمني ولهذا الجالس قدام مع السائق يجلس في يساره. !!
* حكايه الجلوس يسار السائق لان ( الدركسون ) في اليمين علي عكس معظم الدول ولا يزال في انجلترا ان يجلس الراكب قدام يسار قائد السياره !!
* الذي شاهدته بعيني في عام 2025م عندما ذهبت الي ايرلندا وجدت السيارات لا تزال فيها تلك المواقع !!
* الذي لا انساه عندما نزلت المطار وقابلني اهلي بالسياره وعند الخروج اردت الركوب في الامام مع السائق وعلي طول اتجهت ومسكت الباب لفتحه من جهه اليمين للركوب مع السائق كما عندنا في السودان والامارات وامربكا وغيرها من الدول فكانت الضحكات من اهلي لان ذلك هو مكان السائق وكان لابد الانجاه الي يساره لان ما ذهبت اليه مكان القباده !!
* طيب نرجع الي احمد عثمان حمزه والي ولايه الخرطوم المكلف ونقول له زمان مطار الخرطوم الدولي لا يبعد اكثر من 4 كيلومتر من المدينه وكانت المنازل ليست بذلك الهول والتعدد ولم تكن هنالك العمارات الباذخات والفلل العديده وحتي المنازل لم تكن من طابقات ونجد بنايات من طابقين او ثلاثه ولا نسمع عيونك كانوا في عيوني !!
* اما لو حاولنا المقارنه بين الخرطوم زمان والان فالحق يقال لان منذ عام 1959م بعد الاستقلال بسنوات لم تكن هنالك ازمات الاقتصاد ومشاكل الكهرباء والمياه وكانت التربيه والتعليم والصحه بلا طعنات واستمر الحال كما ينبغي!!
* اما في وقتنا هذا وجدنا ( اللي اختشوا ماتو ) وكانت الانقطاعات وكان ظلم المعلمين والمعلمات وكانوا يلبسون جلاليب الحقوق الضائعه واصبح اللوم كله علي حكام السوران ولا نسمع ( كاد المعلم ان يكون رسولا ) !! لا نزال نطالب صرف وزياده مرتبات المعلمين والمعلمات اليوم !!
* اخر الكلام ياوالي ولايه الخرطوم المكلف احمد عثمان حمزه هو نطالب منك الدقه والبحث عن اصلاح ما يمكن اصلاحه وحصر كافه المشاكل التي اصبحت معلقه واهمها مراجعه البيوت التي دمرت من الحرب وان تحصل التعويضات بدرجه مقبوله !!
* من الاشياء الهامه توفير الامن للعايدين ورجعوا الخرطوم ان كان ذلك في المنازل او الشوارع ويوفر ذلك بالنهار والليل. !!
* لا كذب لقد شهد اهل الخرطوم ( الفشفشه ) وتسعه طويله وكما يجب محاربه الامراض وانقطاع الكهرباء والمياه ونقول ( الوالي والي ولو طالت عمامته ) وشعب السودان لا يزال في انتظار العوده ليك يا وطني ورجوع عيونك كانوا في عيوني !!!
