(كل الزوايا) عبدالرحمن دقش يكتب: (يا كامل ادريس طالع دا بعد رجوع الكهرباء في السودان !! )
* لا يمكن وبالعقل والمنطق ان يحصل في دوله السودان ما حصل وتسمع بكل دقيقه ودقيقه انقطاع الكهرباء وقد استمرت تلك الفوضي لسنوات للوراء !!
* قامت ثوره ديسمبر 2018م المجيده وكانت الافراح وقد ظن شعب السودان انه لن يسمع اسطوانه ( الكهرباء قطعت ) ولكن يا البرهان رئيس مجلس السياده الانتقالي والنائب مالك عقار وبقيه اعضاء مجلس السياده وكمان معاكم ( سعاده ) البروف كامل الطيب ادريس رئيس مجلس الوزراء الانتقالي بحكومه الامل بالسودان ومعه الوزراء والوزيرات وبالذات وزير الطاقه المهندس المعتصم ابراهيم لماذا يا يصل السودان الي ذلك الحال ووقته كله مظلم ومصانعه واقفه بالنهار والليل وامراض الملاريا والضنك وجدت فرصه انقطاع الكهرباء واخذت تفعل ما تشاء ؟!!
* يا وزير الطاقه ما هذا الحديث المعوج وتتحدث عن الامداد الكهربائي والخدمات والجهود لتصليح ما يمكن اصلاحه في سد مروي ؟!! طيب يا وزير الطاقه ليه دا من زمان ماحصل ؟!!
* يا وزير الطاقه ( المنكسره ) كلامك دا ذكرنا بوزير الكهرباء في حكومه النظام البائد الذي حاصره انقطاع الكهرباء المتكرر وقد كان الانقطاع قد مد ذيله طويلا ودخل كل الولايات وكان رده وتحليله لانقطاع الكهرباء ان ( الضب ) قد دخل فق منافذ الاصدار والخروج ولهذا تعطلت الكهرباء ولكن ياوزير الطاقه بحكومه الامل هل دخل البوم ( الفيل ) الكبير في منافذ سد مروي ؟!!
* يا حكام السودان اليوم والله انه الخجل والعيب ان نسمع وزير الطاقه بحكومه الامل يتحدث عن انقطاع الكهرباء في السودان بتلك الصور ويتحدث من الكهف ولم نسمع من وزير شؤون مجلس الوزراء !!
* كيف ذلك وخانه تلك الوظيفه ظلت خاليه من وزير او وزيره لان كامل ادريس رئيس مجلس الوزراء الانتقالي بحكومه الامل كان قد اقال الدكتوره ( لمياء عبدالغفار خلف الله ) من ذلك المنصب قبل مده طويله ولم يختار اليديل وهل هي كانت ( مقصره ) في الاداء ؟!!
* طيب يا كامل ادريس ما هي الكهرباء مقصره ومنقطعه وبس الانقطاع بس كان في تلك الوزاره ؟!!
المعروف لم نقدر نحلل تلك الاقالات لان ( سعاده ) البروف كامل ادريس بعد الاقاله تم تعيينها ( سفيره ) بوزاره الخارجيه وانتهي الامر !!
السؤال هنا يا كامل ادريس هل الكهرباء دي قاطعه في بيوت الوزراء والوزيرات وهي كما قالوا كانت الايجارات بالدولارات؟!!
* يا اهل السودان اليس من الممكن لكامل ادريس ان بتصل بالدول الخارجيه العالميه لاصلاح سد مروي واصلاح ما يمكن اصلاحه عن انقطاعات الكهرباء والقضاء علي ذلك الاثم وبعدها لن نسمع انقطاع الكهرباء ؟!!
* هل يتفق معنا حكام السودان ( اليوم ) ان انقطاع الكهرباء والمياه هي التي تؤدي الي انتشار امراض الملاريا والضنك وغيرها من الامراض واظن وان بعض الظن اثم اسالوا وزير الصحه الاتحاديه الدكتور ( هيثم محمد ابراهيم ) وكم ولايه فيها تلك الامراض وسمعنا ان انقطاع الكهرباء هو الطامه الكبري في العمليات الصحيه بمستشفبات السودان !!
* يا اهل السودان الشرفاء بكل صدق وامانه ان دوله السودان ليس فيها حكومه ناجزه عامله لمصلحه الوطن لان الوزارات فيها ينعدم فيها شعار الوطنيه الصادقه وانه ليست هنالك انقطاع الكهرباء داخل بيوت الوزراء والوزيرات والوزير منهم هو القادر علي محاربه ذلك الانقطاع الكهربائي واما اهل السودان الوطن الجريح فهم في نار التقطع والانقطاع من الكهرباء وما لكم كيف تحكمون ؟!!
* هل يصدق اهل السودان ان هنالك وزير من وزراء حكومه الامل بالسودان قد رفضت ابنته لاستلام وظيفه حكوميه لانها بلا مؤهلات فما كان من الاب الكبير البارز الا وهدد بالاستقاله ويذهب وينضم الي التملك السياسي وكانت حكايه من حكايات وزراء حكومه الامل و( الريس ) كامل ادريس !!
* طيب يا كامل ادريس رئيس مجلس الوزراء الانتقالي بحكومه الامل بالسودان ( برضو ) نهدد عدم الحضور من المهجر والاغتراب الي الوطن الحبيب السودان اذا استمر انقطاع الكهرباء المتواصل وانت عارف انك لن تستطيع اجراء الاقالات معنا ونحن في الدول الخارجيه ولا علاقه لنا بالوزارات بحكومه الامل !!
وطيب يا حكام السودان ماذا يفعل ( الريس ) في حكومه الامل بالسودان وامامه وزير الطاقه ؟!! هل تسمع منا يا كامل ادريس ام ان الكهرباء ( برضو ) قاطعه في منزلك الفخيم بالخرطوم عاصمه السودان ؟!!!
