(كل الزوايا) عبدالرحمن دقش يكتب: ( القمامه والنفايات بولاية الخرطوم… متي تختفي ؟!!)
* بعد نهايه حرب 15 ابريل 2023م وتم طرد مليشيا الدعم السريع والجنجويد والمرتزقه من عاصمه السودان الخرطوم ورجعت حكومه السودان الامل ورجع اهل الخرطوم الاوفياء وكان السلام وهنالك وجدوا.
والي ولايه الخرطوم المكلف ( احمد عثمان حمزه ) باقيا ولم يغادر وكان الترحيب!!
* الذي اعجب اهل الخرطوم ان ذلك الوالي كان ثابتا وواقفا داخل الخرطوم ورغم ( دوشه ) الحرب وما فعلته المليشيا كان في محله ولابسا الزي العسكري ويناضل ويبحث لرجوع الخرطوم الي عظمتها وبهجتها وقمتها وكان يحذق الاعمال التي يجب ان تكون بالخرطوم ويتمسك بالمثل ( لمن يهمه امري ) !!
* نطالب والي ولايه الخرطوم المكلف احمد عثمان حمزه ان يدقق فيما يعمل وينفذ وهو الان يحكم ما يقارب 10 مليون نسمه وذلك ليس سهلا ولكنه يحتاج الي جديه وحماس ودقه اكثر ولهذا عليه ومعه المستشارين الافذاذ وفيهم الروح الوطنيه العاليه وخاصه في عالم المساعدات لارجاع المنازل المدمره الي وضعها الذي كانت عليه !!
* المعروف ان منازل النازحين من الخرطوم كانت في ايام حرب ابريل 20 23م رفيعه المستوي ولكن مليشيا الدعم السريع والجنجويد والمرتزقه سرقوا ما فيها ودمروا مالا يتم حمله وصارت المنازل بيوت الاشباح وبذلك قد حققوا لقائد الدعم السريع ( البعاتي ) محمد حمدان دقلو ( حميدتي ) ما كان ينادي به ( اما قبل ) وقد اعلنها ان بيوت وعمارات اهل الخرطوم سوف تكون ( منازل الكلاب والكدايس ) !!
* الذي لاحظه اهل السودان ان تدمير منازل الخرطوم كان عنيفا وكارثه من الكوارث وكان التحطيم عنيفا وتم ازاله المعالم الرائعه وتكسير الابواب والشباببك وسرقه المكيفات والمراوح والثلاجات والفريزرات والتلفزيونات والشاشات وكل ما يمكن حمله!!
لقد استطاعت مليشيا الدعم السريع حمل ما في المنازل الي دول الجوار وكان معظم المسروقات قد وضعت للبيع داخل الخرطوم وفي ( سوق دقلو ) !!
* لقد استمرت العوده الي الخرطوم من النازحين وكانت افراح وسعاده اهل الخرطوم ولكن هنا هل وضع والي ولايه الخرطوم المكلف احمد عثمان حمزه تلك الشروط المجزيه لفئات النازحين بعد الرجوع ؟!!
الحق يقال ان المنازل كانت بلا معدات سكنيه لازمه ومليشيا الدعم السريع والجنجويد والمرتزقه لم تترك ابسط انواع السكن !!
* هل تتفق معنا يا والي ولايه الخرطوم المكلف احمد عثمان حمزه ان مليشيا الدعم السريع قد تعلمت حلاقه رؤوس اصحاب المنازل بولايه الخرطوم وصاروا اليتامي ؟!
اديك المثال البسيط عن مليشيا الدعم السريع فقد شاهد اهل الخرطوم ان معظم المنازل وخاصه في كافوري بالخرطوم بحري كانت هنالك لافتات علي الابواب الخارجيه وكتب عليها اسماء المالكين لتلك المنازل وهي اسماء الدعامه ويا لها من استبداد وحقاره وقد كانت ساخنه علي جماجم اسماء الاحياء من ملاك المنازل !!
* الي والي ولايه الخرطوم المكلف احمد عثمان حمزه لقد ذكرنا لك من قبل. الاهتمام. بازاله القمامه والنفايات بولايه الخرطوم وكان ذلك اما قبل ما حصل لولايه الخرطوم من تعدي مليشيا الدعم السريع وقد كانت القمامه مرميه في الشوارع وقد ضربنا للوالي الامثال وخاصه دوله المانيا !!
كانت المانيا قد عانت من القمامه واخذت تحاربها ووصلت الي حاله ان وجود القمامه داخل الدوله قد رفع الاقتصاد ولهذا فضلت المانيا تستورد القمامه من الدول الاخري وتدفع الاموال الضخمه لان القمامه اصبحت هي سند الصناعه والمستورده القمامه لصالح الدوله !! يا والي ولايه الخرطوم المكلف احمد عثمان حمزه يمكن زياره المانيا لمعرفه الواقع ونقلد المانيا ونرحب بالقمامه !!
* عندما تدخل الخرطوم اول ما تراه في الشوارع وامام البيوت الكميات الهائله من القمامه ولا يعرف اهل الحي النظافه وما ادراك ما النظافه وعندنا في السودان بعض الناس تتكاسل في وضع القمامه داخل براميل الوساخه ولكن في المانيا تجد اماكن الوضع امام البيوت ومقسمه لكافه الانواع وبعدها تحملها السيارات الي المصانع وتصنع منها الصناعات الورقيه والزجاجيه والحديديه !!
* نطالب والي ولايه الخرطوم المكلف احمد عثمان حمزه ارسال الوفد الي المانيا لمعرفه محاربه القمامه وفي ذات الوقت الترحيب به في عالم الصناعه ومشاهده المصانع والماكينات المختلفه لصناعه ما يمكن صناعته. !!
* لو تصدق يا والي ولايه الخرطوم المكلف احمد عثمان حمزه لو تابعت المانيا سوف تقرر عمل المحاربه والترحيب للقمامه في الخرطوم وبعدها لن تزعج الاجانب بوجود القمامه في منتصف الشوارع وبعدها لن نقول ( القمامه والنفايات بولايه الخرطوم متي تختفي ؟!!) !!!
