فشلت… حتى في «الطلس»!!
الظهيرة- د. أحمد منصور المحامي:
⭕ أم هلَّا هلَّا ضربت بنى جويع … قوى الحرية والتغيير المركزية (قحت) واللى إتفقنا جميعنا فى إختصارها لكلمة قحط …
غيرت جلدها تماماً بعد القذارة التى ألمت بها فى هذه الحرب والتى أشعلتها مع حاضنتها العسكرية الدعم السريع وتحولت إلى المسمى الجديد لها وهو الجبهة المدنية القومية العريضة وسنتفق جميعنا على إختصارها بى كلمة (جوع) …
أها الناس ديل طلّعوا لينا فيديو كده والحمد لله ثبت بالدليل القاطع بأنه فيديو قديم لسعادة الفريق أول كباشى فى يونيو الماضى بيحدد فيهو موعداً لإستئناف المفاوضات بجده …
( شغل أبالسه ملاعين … ديل عشان عارفين إنو كباشى ذاهب أصلاً ممثلاً للسودان بدلاً عن البرهان للملكة العربية السعودية ولأمر آخر وموضوعه بعيد كل البعد عن موضوع المفاوضات ) …
يا جماعة الله …
خليكم واقعيين كده …
بالأمس كان سعادته بيشجع فى قواته ويشد من أزرهم ويقول لهم لقد بات النصر قريباً جداً والحديث من منطقة كررى العسكرية …
أهاااا …
اليوم يقول ح نمشي الخميس القادم نتفاوض المتمردين فى جده …
معقولة يا بنى جويع نائب قائد ما قابل القائد بتاعه ح يقابل ضباط القائد قبل القائد …
اعلموووو …
بأن الغبى غبى ولو طالت عمامته … واعلموووو …
بأن الغبى غبى ولو ترك النباح …
والله يا بنى جويع إنتو مساكين خلاص وراح ليكم الدرب فى الحرب …
معقولة يا بنى جويع حتى الطلس كمان إنتو فاشلين فيهو …
… أخيراً …
ومنو القال ليكم بأن الجيش رافض المفاوضات رفضا تاماً يا بنى جويع …
الجيش قال إستئناف المفاوضات مشروط بخروج المتمردين من منازل المواطنين والمستشفيات ومن جميع المصالح الحكومية فى البلاد …
متى ما فعلوا ذلك سيستأنف الجيش السودانى المفاوضات العسكرية فقط …
ولا دخل للجيش فى جده بالمفاوضات السياسية …
ما عندكم طريق تانى للسلطة والحكم غير طريق الإنتخابات الذى تكرهونه …
كان قلنا بنى قحيط وكان قلنا بنى جويع دى كلها أسماء ح تجيب الفقر والعوز والفاقة والحاجة للشعب السودانى …
