د. أحمد منصور المحامي يكتب… نعم … البرهان رئيساً للسودان
الشعب قسم يقوله نعم ليك يا برهانا يا مُلهَم … نقوله من الضمير والفم…. نقوله نعم عشان سودانا يتقدم… البرهان من البدروم إلى خطاب اليوم أمام رؤساء القوم …
العالم كله يعترف بالبرهان رئيساً لدولة السودان رغم أنف بنى قحطان …برهانا يا مطر الحصو دق القحطة والدَعِم العصو …
الخرطوم بقت المقبرة لى الخشوها بالباب الوراء …التحية ليك يا بت القلعة …
بعدما يلقى البرهان خطابه اليوم أمام الجمعية العامة للأمم المتحدة ويعود بمليون ألف سلامة إلى وطنه السودان ح تشوفوا الطفى النور منو يا بنى قحيط ويا بنى دعيم …
عارفين ليييه؟؟؟
الإجابة لأن الحلقات السياسية قد إكتملت وقد تم الإعتراف الكامل … وما فى أى خروقات لأى قانون دولى إن كان فى الحرب الدائرة الآن أو فى السياسة الحالية أو ضد أى سياسي من السياسيين المتواجدين ومعارضين …
قلناها ليكم ونكررها ليكم تانى ده البرهان ملك الطلس والتوهااان …
ونذكركم كمان بأغنية الدبوس الحااااار المشهورة جدا والتى تقول : دو دو بى كده يا البرهون …
معقولة زول عامل ماجستير فى الخداع الاستراتيجي ما يخدع أقزام لا ترى إلا عبرعدسات المجهر أمثال الإمارات وجدادها وكذلك قحط وعولاقها …
العيّن لينا البرهان فى المجلس العسكرى منو يا جماعة ؟
الإجابة : هم بنى قحيط …
والعيّن لينا البرهان رئيسا للمجلس العسكرى الإنتقالي منو يا جماعة ؟
أيضا هم بنو قحيط …
والعيّن لينا البرهان رئيسا للمجلس السيادى الإنتقالى منو يا جماعة ؟
برضو هم بنو قحيط …
وبى كده شكرا ليك يا بنى قحيط …
والله يا بنى قحيط ويا بنى دُعِيم البرهان بى كده ما مسكم ضنب الككو بس ده مسكم ضنب القرنتية عديل …
… أخيرا …
ساعات قلائل جدا وسيتم مسح وكنس وكسح الجناح العسكرى الإنقلابى للحرية والتغيير المركزية …
وستُطوق ولاية الخرطوم من جميع الجهات بى جيش يغطى عين الشمس … وستعطى الأوامر لتنفيذ المهام للقادة الميدانيين (فك اللجام) وبى كده الموووت جاااكم يا مغتصبى الحراير ويا سارقى المنازل …
والموووت جااكم كمان يا المتعاونين على ذلك …
الآن وجب على سكان ولاية الخرطوم المتواجدين فى الولايات الأخرى الإستعداد للعودة وتستيف الشنط …
ولتستعدوا استعدادا كاملا لعودتكم لولايتكم ولاية الخير والمحبة والسعادة …
إلى الخرطوم يا العندى جمالك جنة رضوان …
إلى أمدرمان بلد الحَنان والحُنان …
طال هجرك يا أمدر أمان فى بعادك وحكم الزمان …
إلى بحرى سر الهوى …
ركبنا الكبرى ونزلنا بحرى …
وده عشان غالب الكباري بتنزل لى بحرى …
إكثروا الآن من الدعوات الصالحات والصادقات لنصرة لقواتكم المسلحة فقد إقتربت اليوم ساعة الصفر وساعة النصر …
هروب جماعى وإستسلام جماعى وموت جماعى …
الآن ولاية الخرطوم فى إنتظاركم لنظافتها وتعميرها وتخطيطها وتجميلها لإرجاعها أفضل مما كانت عليه سابقا …
