صبري محمد علي «العيكورة»يكتب… حكـاية «بوبو» والنملة والغنمـاية

وبهزة الاكف القوية صافح البرهان هيئة القيادة فردا فردا ثم قال ساخرا وهو يهيئ نفسه للجلوس حاسرا البنطال قليلا.. ناس الشجرة بسلموا عليكم …

ثم اردف قائلا مبتسما

قالوا ليكم قبضوه !

ديل (نملة) ما يقبضوها

(غنماية) ما يقبضوها قالها وهو مشيحا بيده مبتسما

(بالله .. اعمل الحركة دي الآن) !

ياخ الزول ده كيفني ليك كيف !
ياخ ده زول شفت و مقررم
(ربنا يحفظو ويبغيهو) ذخرا لهذا الوطن

انا غايتو ماعارف …..
منو الطلع الدعامة والقحاته وخلاهم يطلقوا الذخيرة في الهوا

في (الليلة ديك)

فرحا بليلة القبض على البرهان !

اكيد في زول (تيٌسُهُم) ليك

إستخبارات !

زول باعهم !

شغل بتاع اولادنا الشفوت بتاعين (الميديا)!

ما عارف غايتو

المهم يا صاحبي …

في زول جره اضانهم

وطلع الشدرة

زي ما عمل القرد مع الكلب

منو الزول ده ….؟

(عليمو كريمو)

هؤلاء القحاته المواهيم ….

بعد كل هذا الوعي والالتفاف الشعبي حول قواته المسلحة وبعد كل الغبن المجتمعي الحاصل حيال هؤلاء المرتزقة والاوباش يعتقدون ان الجيش هو (البرهان)

والله …

لو استشهد البرهان ومن بالسودان جميعا لحاربتكم المقابر أيها الاوغاد والمأجورين والعملاء.

فكل السودان اليوم

هو الجيش

وكل الشعب هو البرهان كقائد لهذا الجيش الباسل .

ابكوا ….
كما يحلو لكم نافقوا وكذبوا عبر القنوات الفضائية كما تشاؤون

فأمركم قد اصبح مفضوحاً سمجاً ساذجاً
يدعو للسخرية و الغثيان معاً

يا سيدي ….
تصريح واحد من الفريق الكباشي خلاهم
(لافين سورو) ….

ليلتقطه العميل يوسف عزت و(بتاع) (الديلفري) الاخر ليقولوا للعالم نحن من نسيطر علي الارض! ونحن من نفرض شروطنا!

(مسيطر إيه يا إبن ال …..)
مسيطرين !

بعد ان(اصبحتو) لافين بالمواتر ايها الموتورون والشغلانه كمان جابت ليها سرقة غنم !

ومن هذا المنبر ….
اتوجه بالنداء العاجل لجمعيات الرفق بالحيوان حول العالم
ان ادركوا غنم السودان
كيف تنتهك خصوصيتها !

(مش ده ياهو الفضل ياجماعة)؟

واحد صاحبي قحاتي (راسو ماكن) كده …

قال لي ….
الناس كلها قالوا (لا للحرب) إلا إنتوا
(طبعن) …
محفظنها ليهم كده المساكين
(لا للحرب) وخلاس !

طيب يا ابو الزُمل ….
تعال أجيك على خاطرك نعم
(لا للحرب)

ولكن ….
ليس قبل ان …
يقولها الجيش
وإن قررها الجيش
فتأكد ان قيادته الحالية ستترجل نحو الكراسي الخلفية وبأمر الشارع

وستأتي اخرى ..
لم تصل فتصلي مع شعب سودان

فقرار حسم التمرد لم يعد ملكا للقيادة وحدها بل هو قرار كافة اطياف هذا الشعب الذي
سلبت كرامته
وهدمت منازله
وانتهكت اعراضة

ونهبت امواله
و فقد ارواحا عزيزة من خيرة رجاله ونسائه
هو رأيه واحد
لا ثاني له …
ضع السلاح وسلم نفسك
او …..
(تنجغم) زي الساعة

بالله عليكم ….
شكل هيئة القيادة الذي رايناه يوم امس الاول والبرهان يدير الاجتماع في كامل سلاحة واستبشاره وانبساط اسارير وجهه ومن معه
بالله ديل …
ناس هدنة واللا تفاوض؟

وإن لم يكن زيً البرهان ليلتها هو (لامة الحرب) فكيف تكون اللامه؟

يا أخي …..
اما بعث …
هذا المقطع القصير الطمأنينة في النفوس وعلم الشعب الى اي طريق يمضي قادة جيشه بعيدا عن (ميديا) القحاته الكاذبه؟
هل هناك ….
من عاقل بعد هذا (المقطع) سيسأل نفسه إن كان الجيش سيفاوض ام لا ؟
سيذهب ل(جدة) ام لا ؟

نثق (تمامن) ….
في كل ما تقرره قيادة الجيش

فالحرب حرب وجودية وكشفت لنا الكثير من المرارات والحقد والعنصرية وكله سنعود له لاحقا بإذن الله
فالملفات شائكة والخونة كثر ولن نترك لهم وقتا لالتقاط انفاسهم

فقط كله مؤجل لما بعد الاحتفال

بيوم النصر الاكبر الذي بات قريبا بإذن الله .