(كل الزوايا) عبدالرحمن دقش يكتب: ( يا نساء السودان اغتراب… ادرسن الزواج بوعي تام !!)

@. اقسم الزوجات ( المربوطات) بشده مع نظريه ( زوجه واحده تكفي ) ويحملن كل الأسلحة والسكاكيين الطويله لمن ينادي بالتعدد وزوجه واحده لا تكفي واقصد بالذات المتزوجات وقاعدين في أرض المهجر ونار البعد والغربه وقد وصلتنا الكثير من الاتصالات والكتابات وفيهم العتاب والنبذ الكعبة الشين !!

@ واحده من لندن وهي قريبه زوجتي وذكرت بالحروف الغليظه وقالت : من الذي يتزوج الثانيه فوق ملكه نساء السودان وهي المعلمه النظيفه الفاهمه المتعلمه التي علمتنا الأخلاق والادب وقد تعلمنا منها اصول العلم ؟!!

@ أجمل ما وصلني كان من ولايه لأمريكا وكان هو النقد لي علي أساس أنني أشجع التعدد وذكرت راسله الرساله أنني صحفي متمرد علي نظام حكم زوجه واحده تكفي وكان النقد عنيفا وكما ارسلت لي حكايه ( مزخرفه ) وذكرت أنني بنفس ملامح ذلك الفكي وكانت الرساله كما يلي : واحد ضرب تلفون الي شيخ كبير وقال له : أنا متجوز واحده عنيفه وعايزك تدعو لي وتكتب لي حجاب قوي علي أن تسيطر علي ( مرتي) ونسمع كلامي !!

كان رد الشيخ انقطع وقال للرجل كويس لكن اديني دقيقه واحده وأنا بغسل في العده بناء علي تعليمات زوجتي في كل يوم وبعدها برشا ليك الحجاب !!

@ زعلت من تلك الرياضه وعلمت ان الشيخ مربوط بشده بالوجه الوحده ولا يعرف التعدد وزوجه واحده لا تكفي !!

@ الذي اضحكني اكثر ان واحده من الامارات ارسلت لي رساله بعنوان ( المال يخاف من مرتو ٠٠ الضحك شرطو ) وشرحت الرساله كما يلي : الولد قال الي امه ( يمه الأمام بعد صلاه الجمعه قال : الدائرة يوسع رزقه يعرس تاني والداير يعرس ثاني يرفع بدو ) واضاف الولد : والله شفت الرجا١١١ل الفي الجامع كلهم رفعوا الايدي !! قالت الام : وهل ابوك رفع بدو ؟!!

فرد انها وقال: ( ابوي رفع ايديه الاثنين) هنا رد الوالد لزوجته وهي قد امسكت السوط والسكين وقال : ( عليها الطلاق ولدك دا كضا١١١ب جنس كضب يا حبيبتي ( فتحيه ) والله أنا ( اتمضيت ) ساكت ورفعت اليدين الاثنين وهو في غيرك بحب في الدنيا دي ؟!!

@ بصراحه غلبني الرد علي تلك الرسالات والشتيمه والنبذ وذكرت واحده من صديقات زوجتي وقلت لها يكفي أنني من الرباطاب اصحاب الذكاء والذاكره والأهم والعفه والهمه والكرم وقد ثبت ذلك في سجلات التاريخ وان الرباطاب يعدون من الاذكياء والعلماء والعباقره وذلك لا يحتاج الي مراجعات ومستندات وقلت ذلك الي الرساله ورغم اننا ضد القبليه والجهويه والمحاصصه ولكن الشتائم فاتت الحد وظن الجميع اننا مع زوجه واحده لا تكفي !!

@ الي تلك ما كان مني الا ان ارسلت لها حكايه رباطابي ومع أنه غير متعلم وشاف المدارس ومع ذلك كان معه الذكاء الموروث وكانت الحكايه : الرباطابي ذلك باع بقره لواحد شايقي وبعد كم يوم اكتشف الشايقي ان البقره ( عميانه ) ولهذا رجع الي الرباطابي وقال له: ماحرام عليك تبيع لي بقره عميانه ؟!!

@ الرباطابي رد عليه فورا : البقرة بتاكل ؟! قال له : نعم وبتاكل كتير !! ثم اردف السؤال: هل بتشرب ؟!! وختم الاسئله: طيب البقرة المعارك دي بتجيب لبن ؟!! هنا الشايقي قال له : ايوه بتجيب وتحلب لبن كثير جدا وقوا ما شاء الله !! قام الرباطابي ضاحكا ورد ساخرا : طيب انت مشتريها عشان تقرا لك الصحف !!

@ بالمناسبه لقد لاحظنا في عالم الزواج ان النساء المغتربات السودانيات وخاصه ( البايرات ) والعنوسه عندهن البحث عن زنقات وازمات أزواج الماسكين شعار( زوجه واحده لا تكفي ) رغم الوصول في العمر الي درجه ( كومر مقرش ) !!

@ البايرات من الزواج في المهجر يعملن ندوات ( اسبوع خالي ثقه ) وتكثر احاديث من فاتهن قطار الزواج وظهرت ( العنوسه ) ولم يجدن ابواب الزواج مفتوحه ورغم ذلك نسمع في الندوات اغاني ( ما أجمل واحلي التعدد وزوجه واحده لا تكفي !!

@ الذي اتذكره وفي ذات يوم وفي ندوه من الندوات في اراضي المهجر وكانت عن الزواج في السودان وكانت التحدث من واحده وعمرها فوق الخمسين ولا تزال في( خشم ) العنوسه ومنتخب ( البايرات ) وذكرت ان عالم الزواج بواحده في السودان نسميه ( بلد الجسم والرماد ) !!

@ من الاخر احكي لكم ذكاء زوجات اهلنا الرباطاب وهي زوجه واحده تكفي والذي حصل كان بالطرق الظريفه وفيها الذكاء وارجو الا تحسبوه هو التحيز !!

@ الحكايه ان زوجته جاء البيت في اواخر الليل وكان جائعا وطلب الاكل وطلبت منه يفتح الثلاجه وطلع الشعيريه والارز واللبن و( لحس ) سلطه الأسود وشرب كل المويه التي كانت بالداخل وهي البارده وقفل الثلاجه !! فما كان من زوجته الا الضحك وقالت له : عليك الله افصل الثلاجه معاك !!

@ اها يا جماعه بعد القصص والحكايات هل انا من اهل زوجته واحده لا تكفي؟! هل في كلامي تضدعون شخصيتي مع ووجه واحده تكفي ؟!! والله الحكام منكم ما عاوز ان يكونوا من جماعه زوجه واحده تكفي وفي نفس الوقت واقف يغسل العده والزوجه ماسكه السوط و( المقشاشه ) !!

@ نتابع من الاخر واحكي لكم نكته عن حكومه الدوله وكانت بلسان رباطابي وهو متزوج من واحده وقال ان الواضح ان حكومه السودان أصبحت مثل العربيه في بيت العرس وهي تعبانه تقعد جماعه تاكل وتشبع شديد وتجي جماعه ثانيه وتاكل وتشبع شديد وثالثه ورابعه وهكذا حتي نهايه العرس وهنا الشعب واقف وماسك الاباريق والصابون ولا يستفيد من حضور اهل الحكومة وهذا هو السودان في عالم السياسه !!!