القحاطة… والنظافة من الوساخة!!
الظهيرة- د. احمد منصور المحامي:
زمان والله يكرمنا ويكرم القارئين لما الزول النضيف وظريف وتقى وملتزم بدينه ويسكن فى بيت من البيوت كان معفن ووسخ وصاحبه علمانى وكانت تمارس فيه الرزيلة طوالى بيكتب فى باب البيت بتاعه الجديد كلمة (أحرار) وذلك يعنى أن هذا المنزل لم يعد كما كان فى السابق .
أها ناس الحرية والتغيير المركزية بعد ما عملوا فى الشعب السودانى السبعه وذمته ودمروا الوطن والفيهو وخربوا البلاد خراب السواد واللواد دايرين يستحموا واتنظفوا ويغيروا جلودهم وملابسهم ودايرين يمارسوا حياتهم الطبيعية والسياسية كما كانت من قبل الحرب القائمة الآن وهى الحرب العملوها فينا مع جناحههم العسكرى الدعم السريع ..
والله إنتو فالحين جنس فلاحة يا قحاطة …
طيب خلقكم الكريهة دى ح تغيروها لينا ولا ياها زااااته نفس الملامح والشبه …
وعلمانيتكم البغيضة ح تبدلوها لينا ولا ياها زاااته اللى بتعزوها وبتتفاخروا بيها وكمان بتغنوا ليها وتقولوا :
بنحب العلمانية وبنموت فى العلمانية …
أها وبناتكم الدايرات يبولن فى الشوارع إن شاء الله عملتوا دا ليهن حمامات …
والعرمانات بتاعات الإستعانة بصديق إذا كان الزوج بايت مع الزوجة الأخرى إن شاء الله أدبتوهن ووريتوهن الزنا من الحلال …
أها ح تغيروا المواضيع دى كلها ولا ياها زاااتا مع حلدكم الجديد …
ده غير سيداو وقلة أدبكم الفارغة ديك …
يا قحاطة للمرة المليون الشعب السودانى ده شعب مسلم ومؤمن وبيحب الله ورسوله أكثر من روحه لن يقبل إلا بمن يريد أن يطبق فيه شرع الله ويريد فقط تحكيم كتابه الكريم …
فما تتعبوا روحكم ساااكت فى الفاضى الما عاجباهو شريعة الله تعالى اللى يمشى لى بلد الكفر ويعيش فيها لكن السودان ده ورب الكعبة لن تستطيعوا أن تطبقوا فيه علمانيتكم البغيضة هذه …
لا تزال طائفة من أمتى ظاهرين على الحق لا يضرهم من خالفهم حتى يأتى أمر الله …
اللهم اجعلنا منهم يا رب العالمين …
ومش كان غيرتوا جلودكم إلى جلود أخرى والله العظيم كان عملتوا ليها عمليات تجميل وتغيير مظهركم وشكلكم عدييل ح نعريكم وح نعرف من لا يعرفكم بعمايلكم ولن يقبلكم الشعب السودانى بعد الذى صنعتموه به ولن نخشى فى ذلك لومة لائم …
… أخيراً …
يا أخوان البنات قحاطة ده ما حقى حقى الفرفرة والنطة من بدرى …
قالوا الجماعة من قوى الحرية والتغيير اللى هى (قحط) إلى الجبهة المدنية العريضة واللى هى (جوع) …
يا جماعة مصيبة شنو الوقعنا فيها دى الناس ديل من القحط إلى الجوع …
بيقول المثل كثرة الأسماء تدل على عظمة المسمى ولكنها لا تنطبق فيكم بل كثرة أسماؤكم تدل على غباءكم وبلادتكم أيها الثحاطة …
مبرووووووك …
الجيش كرب كربة جد جد …
الآن أمدرمان خبت ذى الخبت …
ومدخل أمبدات وبعض مناطقها فى الواجهة ردم ذى الردم …
ومن بليل ضرب ذى الضرب …
بإذن الله تعالى اليوم وبعد ساعات سيتم تسليم أمدرمان نظيفة من الدعامة ومن أى عميل وخائن من بنى قحيط …
وبكرة أو بعده سيتم تسليم أمبدات القديمة نظيفة بإذن الواحد الأحد …
والأيام اللى بعدها سيتم تسليم البقعات ودار السلامات خالية من أى مظاهر للدعامة والقحاطة والقحاطيات …
ده الكباشي أب كلاماً ماااشى …
كبااااشى جااااكم يا دعامة والله بلااااكم …
جاكم السم القدر غداااكم …
وشال منكم القدامكم والوراااكم …
باااااى بااااى بنى دُعيم …
باااى باااى بنى قُحيط …
معليش أعذرونى نسيت الأسم القحطى الجديد ( جوع ) …
باااى باااى بنى جويع …
