(كل الزوايا) عبدالرحمن دقش يكتب: ( كارثة وكلام خطير عن سمسم السودان… ولابد من لحاق!!)
@ الكلام عن السمسم عالميا يوضح ان اكبر منتج لبذور السمسم دوليا هو دوله السودان وله المرتبه الاولي وقد انتج في عام ٢٠٢٣م ١٫٣٦٧٫٥٥٠ طنا وكانت بعده الهند وبعدها ميانمار والجدير بالذكر ان بذور السمسم فيها ٠/٥٠ من الزيت!!
@ من مناطق السودان المشهوره بزراعه السمسم هي مدينه القضارف بالاضافه الي مناطق اخري ولايه القضارف ومنها قلع النحل وكمان في السودان مناطق اخري انتاجيه مثل شمال كردفان والنيل الأزرق في منطقه الرقيبه وهنالك كسلا الخضراء وأرض القاش وكمان تم تجريب زراعه السمسم لأول مره في ولايه الشماليه !!
@ لا نقول سرا ولكن قد بلغ سعر الطن الواحد بالسودان ٣ مليار جنيه سوداني وكانت منطقه زراعه السمسم بالقضارف هي المنطقة الحاره للبيع والمتوفر فيها بشده كميه السمسم وكان فيها عظمه السمسم !!
@ ان الذي حصل بخصوص السمسم في السودان وزراعته وتصديره الي الخارج يثير الضجه وفيه خطوره وكارثه لا يمكن السكون عنها وحتي ان الصحف الخارجيه قد اشارت الي ان حصه السودان في الاسواق العالميه الكبير للسمسم قد نزلت في عام ٢٠٢٥م الي مستوي خطير لأنه كان حتي في عام ٢٠٢٤م بالملايين من الاطنان ولكن نزل الي ٣٨٠ ألف وهذا كلام خطير وقد اثار الجدل والخوف ولابد من متابعه جاده ورفيعه المستوي من حكومه الامل بالسودان !!
@ هذا الكلام الخطير لابد من تتدخل حكومه الامل بالسودان ويشارك فيه وزير الزراعه الدكتور عصمت قرشي ووزير المالية ووزير التجاره ومحافظه بنك السودان الواعيه ( أمنه ميرغني ) ومن المؤكد دخول البروف كامل الطيب ادريس رئيس مجلس الوزراء الانتقالي بحكومه الامل بالسودان وهو المسؤول الاول ولماذا نزلت حصه السودان في اسواق السمسمه العالميه ولماذا الانحلال رغم ان السودان هو ( سيد الاسم ) في زراعه وتصدير السمسمه ؟!!
@ يا حكومه السودان الامل ليس سرا ان قلنا قبل سنوات ان سمسم السودان كان في ضياع ملعوب وشاهدنا ذلك في الولايات المتحدة الامريكيه وشاهدتا ذلك أيضا في الصمغ السوداني !!
@ لاحظنا في المحلات الكبير في امريكا ولايه جورجيا وفي عاصمتها اتلانتا وبالمحلات التجاريه الواسعه التي من املاك اهل فلسطين وكان فيها كل الاشياء العربيه وبحثنا عن السمسم السوداني ولكن وجدناه بصوره اخري وهو المعروف الظاهر بالنسبه لسيدات السودان ويعرفن شكله ولونه وحجمه ووصفه ولكن كان بكثره وعليه كتابات الصنع باللغه الانجليزية وهي ( صنع في مصر ) !!
@ لقد ذهلنا تماما ولكن مصر لا نزرع ولا تعرف السمسم ولكن تصدر وليس هنالك زراعه له فيها وكفانا ( مصر يا أخت بلادي يا شقيقه ) ويكفي مشاهده السمسم المشحون الي مصر من السودان وما اكثر الشاحنات الكبيره الي مصر ان كانت واقعيه ام غير شرعيه وما شارع حلفا وحلايب بعيد عن الاذهان !!
@ما نسعي اليه ان يكون رئيس مجلس الوزراء الانتقالي بحكومه الامل بالسودان قد سمع بالأمر والخير عن السمسم وما حصل فيه وانه فقد المناقشه في الاسواق العالميه والمعروف ان سمسم السودان هو المسيطر والمنتشر !!
@ الذي لابد الاهتمام والبحث عنه بخلاف انهيار سمعه السمسم عالميا كان علي وزاره الزراعه مراجعه كل دروب الزراعه وما حصل فيها من تدني وانهيار !!
@ نطالب وزير الزراعه بحكومه الامل بالسودان الدكتور عصمت قرشي مناقشه أمر موضوع السمسم وبسرعه حتي لا يفقد السودان الزراعه والامن الغذائي ولابد من الدراسه في اشياء كانت فيها عظيمه وروعه دوله السودان !!
@ يا اهل السودان من جامعه الزراعه من الرجال والنساء عليكم مراجعه تدني واخفاق وضعف موضوع السمسم السوداني في الاسواق العالميه وهل هي صحه ان سمسم السودان قد فشل وتدني في الاسواق العالميه ؟!!
@ يمكن لوزير الزراعه دعوه علماء وجهابذه الزراعه في السودان وما اكثرهم ويوجه الدعوه لهم وان تتم مناقشه أمر كارثه السمسم في الاسواق العالميه !!
@ هنا يمكن دعوه وزير المالية ووزير التجاره ومحافظه بنك السودان لحسم الأمر واعاده سمسم السودان الي مكانه الرفيع وعظمته وقوته وسمعته !!
@ اخر الكلام ياوزير الزراعه بحكومه الامل بالسودان الدكتور عصمت قرشي نعيدك الي الوراء قليلا وندخلك في عالم الحب وعلاقه السمسم به !!
@ ان سمسم السودان كان لعظمته وحلاوته يستخدم في اغاني الحب والغزل لجلب الزوجات السمحات من بنات القضارف بالسودان وظهرت اغنيه ( يا سمسم القضارف ٠٠٠ الزول صغير ما اعرف ) وكانت الاغنيه للسماحه والشعر الطويل والخدود والذوق والخفه !! هل بعد كارثه وكلام خطير عن سمسم السودان في الاسواق العالميه ( نشطب ) اغنيه يا سمسم القضارف من لوجه اسواق حب السمسم ؟!!!
