عمار النور يكتب…. قحت… العاهات والادعاءات!!

طالعت بيان لقوي الحرية والتغيير المركزية تنفي فيها طلب الحصانة ولقاء البرهان وتقول انها ليست بحاجة لحصانة لأنها لم تقتل ولم تنهب وتسرق وان مثل هذه الادعاءات يروج لها النظام البائد الذي اطاحت بنظامه ثورة ديسمبر التخريبية.

وأنهم ماضون في إنهاء الحرب بالبلاد وقدموا خطابات للبرهان وحميدتي كل علي حدا للجلوس معهما ومناقشة مقترحات إنهاء الحرب.

يا له من نفاق وكذب وضلال…. ياخي حميدتي أمريكا والسعودية ما قدروا بتواصلوا معاهو وانتوا ما عارفنوا مات لما تقولوا خاطبنا حميدتي الا بلاسلكي البعاعيت.

وبعدين مقترحات شنو البتنهي الحرب ما بتنتهي الا بحسم المعركة علي ارض الواقع والشعب السوداني لم يقبل بأقل من ذلك .

ومافي مقترحات بتعيد المليشيا المتمردة للسلطة او تكون لها قوات…. هذا ممنوع كما قال شيخكم الفكي منقة.

بعدين ايام لجنة التمكين سرقتوا ونهبتوا البلد كلها ما خليتوا حتي الشاشات ومارستوا أسوأ انواع الفساد والقمع والتنكيل واشعلتوا الحرب.

وبالتالي لا مكان لكم في السودان ولا مجال لكم بين أبناء الوطن لأنكم عملاء وخونة ومرتزقة وعبيد سفارات..