أمنة التجانية تكتب…. وقسم بالله… سودان عزه مابينضام!!

ماشفتوني انتو قريب وياحباني من بعد الحرب الجاتنا في سودانا زي لهيب النار قامت وولعت حرقت قلوبنا في كل حاره وحامت من فريق لي فريق. وياناسي وياجلاسي   اكيد مشتاقه ليكم شوق يشهد ربي زي هلال العيد…

(( الرحمه والمغفره وجنات الفردوس نزلا لشهداء امدرمان  امس ومجزره شارع الوادي الجرافه حسبنا الله ونعم الوكيل))
صباحات وجمعه الامان والسلام لي سودانا باذن الله تعالى..

وقسم بالله سودان عزه مابينضام… ولا بتجيهوا ذره مسحه من ذل ومن ضعف واوهان..

وقسم بالله ياسودانا انتا عزيز وانتا جباه الدول في الكون تزيد خيرات ومن بركاتك ارضك باسطه ذخم ارزاق كنوز قسم بالله مابتقل ولا بتنقص بقول قولي وعندي شجاعه شعبي خاتاها رهان…

صباحات الأمن والأمان والاستقرار والسلام بإذن الله تعالى لبلدنا السودان..