أمانة ما ضعتوا يا مستنفري الدعم السريع!!
الظهيرة- د. أحمد منصور المحامي:
⭕هى فقط ثلاث نقاط مهمة …
النقطة الأولى :
إقتربنا من العام فهل ستُنهى الحرب بالسلام أم بالإستسلام …
غالبية الشعب السودانى كان يتوقع حسماً سريعاً لقوات الدعم السريع فمرت الأسابيع والشهور ونقترب الآن من العام والخوف كل الخوف أن تكون أعواماً فى عدم وجود المساعدات وشح العلاج وتوفر الدواء اللازم فى البلاد بسبب الحرب الدائرة الآن …
أحس بأن هنالك إتفاقاً وشيكاً بين الجيش والدعم السريع فى جده وقد ضرب عليه سرية تااامة يفضى بالخروج الآمن لقوات الدعم السريع من ولاية الخرطوم …
وألتمسنا ذلك بالآتى :
أولاً : هنالك أعداداً كبيرةً من عربات وجنود الدعم السريع متوجهة نحو الولايات الغرب للبلاد …
ثانياً : الصمت الفجائى لأصوات المدافع والطائرات والرشاشات منذ يوم أمس فى المناطق التى كان بها إشتباكات متواصلة يومياً إلا أن هنالك سماع القليل منها فى مناطق متفرقة …
نسأل الله تعالى أن يغطى على البلاد والعباد …
النقطة الثانية :
أمااانة ما ضعتوا أيها المستنفرين …
إذا حدث ما توقعت كان توقيع لاتفاق سرى فى جده فأين ستذهبون يا مستنفرى الدعم السريع من ولاية الخرطوم ؟
على حسب ما ورد إلينا من جده بأن الدعم السريع توقف كثيراً فى نقطة مستنفرينهم فى المفاوضات حتى توصلوا أخيراً بأن قوات الدعم السريع لا شأن لها ولا دخل لها بالمستنفرين …
وبى كده ستضيق عليكم أيها المستنفرون الأرض بما رحبت …
وذى ما بيقول المثل التسويهو تلقاه …
النقطة الثالثة :
شركات الإتصال وحقوق المشتركين …
لكن يا ناس شركات الإتصالات مااا عملتوها شينه خلاص …
يا جماعة ما معقول الواحد يمشى يشترى ليهو رصيد ويتكبد المشاق فى هذه الحرب ويدخل الرصيد فى تلفونه وينشط الإنترنت وتقوموا فجأة ومن غير سابق إنذار بقطع الشبكة وفى فترة القطع تتم مدة النت بدون أن يستفيد من النت المشترك وإنتو ما قاعدين ترجعوا للمشترك رصيده ولا النت بتاعه …
أها ذى دى يقولوا عليها شنو ؟
طبعاً دى سرقة عديل كده ونص النهار كمان …
إذا ما سرقة لما تقطعوا النت أو يحدث عطل بالشبكة رجعوا للناس رصيدها …
سمعتو كلامى ده يا ناس شركات الإتصالات ولا أعيدو ليكم …
د. احمد منصور تحياتي المستنفرين ما بتجيهم (الحبة) .. لانو بعد ثورة ديسمبر وحتى ابريل ٢٠٢٣م ديل نفس الناس اللي كان بقلعوا مننا حاجاتنا في عز النهار وتمشي النيابة عشان تشتكي يقولو ليك دي (المدنية) (الدايرنها) انتو .. والله الحرب لو انتهى والاجهزة العدلية ما انكربت حيكون الدعامة أرحم لينا من الحرامية وعصابات النيقرز . والله المستعان
حمدون رحمه توتو