عرس جلحة… كان رهيب!!
جيرانا المسيرية عندهم عرس ولدم جلحة وجابوا تور كبير وسمين يكفي البلد دي كلها ونحنا منتظرين يضبحوهوا ونضرب الشيه والضلع وانا شخصيا صايم ليهو عديل كدا مافطرت ولا اتغديت.
قلت اتعشي معاهم واطق طقه نضيفه وشغال معاهم بنفس دقينا الصيوانات ورصينا الكراسي وملينا الحفاظات.
وانا صاحبت الطباخ قال لي بعد يضبحوا بنظبط ام فتفت بالشطه والدكوه ونعمل لينا حلة مقلوبه سريعه كدا كباب وكبده نقزقز بيها مسافة العشاء.
والله لمن قال لي كدا لمن العبره خنقتني وحبيتو شديد قربت ابوسو في قدومو دا ومن شدة مافرحت قررت ابقي طباخ لمن اكبر فجأه الناس كوركوا قالوا التور شرد جينا جارين بره وانا منهار تمااااما كيف يعني التور الباني عليهو كل امالي يشرد؟
مشيت وراء الصيوان ختيت يدي الاتنين في راسي وبكيت لمن قربت اغمر وجيت راجع لقيتهم قسموا الناس مجموعات يمشوا يسكوا التور وعملوا ارتكازات اها مشيت معاهم نفتش للساعه 4صباحا مالقيناهو ياخ التور كأنو الارض انشقت وبلعتو وانا من الجوع خلاص جاني هبوط راسي لفه وبطني طمت وكرعي ماتن فقرروا يرجعوا ويتصرفوا يجيبوا بديل لانو الزمن ضايق وتاني يفتشوا التور علي راحتهم اها جينا راجعين لقينا النار مولعه في مكان الطباخ النار مسكت من الكانون في الراكوبه القاعد فيها.
وحرقت الاخضر واليابس ماخلت شي قاموا مسكوا الطباخ دقوهوا لمن بال في هدومو وطردوهوا وتاني غيروا رايهم قالوا لا نسلموا البوليس لازم يغرم الحاجات دي ويدفع حقها لانو دا اهمال منو الطباخ شافني تف لي في وشي قال لي كلو منك انت من اتصابحت بوشك المفتول دا ماكسبت خير اها تاني الناس كوركوا قالوا العريس قرصتو عقرب خموهو بسرعه ودوهوا الحوادث وهو شبه ميت يكورك ياتغريد ياتغريد رغم انو عروسو اسمها اميره ماعارف تغريد دي منو كمان المهم خموهو وهو محنن حنه حدها ركبتو اخواتو متخلفات مابعرفن يحنن حننوهو حنه فوق ل عضم الشيطان كأنو كان بعجن في الحنه بكرعيهو وبعد دا فصيحات ولئيمات وماقاعدات في الواطه اها رجعت بيتنا قافله معاي جوه وبره وجعان ارجف زي القصبه فتشت البيت دا كلو مالقيت لي حاجه اتسمم بيها حتي لو عيشه اقرضا مشيت شربت لي مويه من التلاجه نزلت في قلبي زي الكهرباء قطعت مصاريني لمن بقيت اتلوي زي الدابي والساعه 5صباحا مشيت صحيت بتاع الدكان لقيتو راقد مشتح وغامت يديهو والكرعين مشتحن بره السرير شكلو حلمان بحننو فيهو ياخ عرس جلحة دا جنن الناس كلهم صحيتو قام مخلوع وشبكني ليك ابشر ابشر وهو غامت يدو علي اساس انو محنن قلت ليهو دا شنو يازول؟ مالك انت مشتح كدا؟ مالقي ليهو رد يرد لي بيهو المهم شلت لي من 5صناديق بسكويت ولبن بدره ورجعت البيت لخيتن وعجنتهن كلهن مع بعض وطفحتهن وناس العرس لحدي الضهر لاحس لاخبر ماعارفهم لغوا العرس ولا التور لقوهو ولا العريس مات هو لو مامات بقرصة العقرب حيموت
بالمغسه لانو شقا عمرو كلو راح في رمشة عين تور بنص مليار راح ومواد تموينيه بنص مليار حرقتا النار مافضل فيها الا الكاتشب مجدع بالحوش والشفع يتخاتفوا فيهو والله اخير ليهو يموت ولا يواجه الحقيقه المره دي ياخ انا من الله خلقني مالقيت لي
عروس نحس وكج زي جلحة ده عروسو دي خشت عليهم بالساحق والماحق والبلاء المتلاحق ولو اصر يعرسا بعد الحصل دا يكون حيوان والله ويستاهل لانو رضي اشتقل قاتل مأجور للرزيقات قايتو المسيرة بقت عليهم ميته وخراب ديار وبرضوا استاهلو في زول عاقل اباري ليه قحاتة مساطيل ٠
غايتو الرزيقات مسخوا للمسيرية عرس جلحة….