صبري محمد علي (العيكورة) يكتب… عمّك حسن (الجوكر)

عمك حسن ود حاج علي زول (قنّاص) من وجاهات الحِلِّة

مهندم
سكوت يكثر الصمت
فاهم
زول يموت في القروش والطقة النضيفة
ومرزّق بشكل عجيب
ويصلح لأي مهمة حتى أطلق عليه أنداده لقب (الجوكر)

وحتى إستسلم رجال (الحِلّة) و أصحاب اللواري والكوارو والجزارات وشباب الكورة والحواشات والمخابز الى أن أي موضوع لا يتصدره (الجوكر) محكوم عليه بالفشل مستغلين قربة و قرابته من (شيخ الحلة) حاج عثمان ود الأرباب

قال ليك مثلاً …..
(عاوز) تبيع لوري عيش مثلاً عليك بحاج حسن الجوكر
وبارك الله في من نفّع وإستنفع

(عاوز) تشتري أغنام فعليك إصطحابه

مشكلة في الحلة لابد أن يُقدم لها عمك حسن

مجلس آباء للمدرسة لابد أن يتزعمة الجوكر

جمعية تعاونية رئيسها حسن الجوكر

عقد زواج الوكيل عمك الجوكر

مراجعة المحلية لأي أمر فلابد أن تكون أول عمامة تتقدم هي عمامة عمك حسن الجوكر

وأظن للفنانة ندى القلعة أغنية تراثية سابقة تمجد ظاهرة (الحسونابية)
يقول مطلعها
(شوفن ليّ حسن يا البنيات)
أو نادوا لي حسن
في رواية أخرى

عزيزي القارئ …..
وبعيداً عن أي مجاملة فضلاً تلفّت حولك داخل قريتكم أو حييكم أو حيثما كنت تسكن فكم مثل (حسن الجوكر) بجواركم !
يستغلون المعارف والمتنفذين و يهضمون حقوق الآخرين و يتربحون بأوجاع الوطن
(و بالبااااارد)

(أستغفر الله العظيم)
عدد خلقة
وزنة عرشة
ومداد كلماته

الاثنين٢٠/يوليو/٢٠٢٦م