بشارة الفريق العطا بسحق التمرد فى كل الخرطوم!!
الظهيرة- د. احمد منصور المحامي:
⭕وأخيرا البرهان يصدر تعليماته للجيش بالتحرك وسحق التمرد فى كل ولاية الخرطوم … ود العطا جاب ليكم آخرتا …
ووجه أصابع الإتهام مباشرة لإمارات الشيطان وأذنابها من بعض الدول الأفريقية …
وبشرنا وقال لقد صدرت الآن الأوامر والتعليمات من القائد العام للقوات المسلحة بسحق التمرد نهائيا من ولاية الخرطوم دون توقف أو راحة أو إستراحة …
تاح تاح تاح تحسم بالسلاح وده يا البرهان الكلام الصااااح …
جاء ذلك على لسان سعادة الفريق أول ياسر العطا …
وبى كده يا بنى دعيم إنتهت المناوشات وجغم العمليات النوعية …
وبدأت الحرب الحقيقة والمواجهات النارية …
وطبعا جيشنا ده جيش حاااااار وجيش ناااااار وجيش عيونو حمر ذى الشرااااار …
على حسب علمى أن قيادة الدعم السريع كلها اتخارجت من ولاية الخرطوم والمتبقي منهم فقط أعدادا قليلة والأعداد الكبيرة جدا المتبقية كلها من المستنفرين وهم الذين تم إستنفارهم من لجان المقاومة ولجان التغيير والخدمات فى الأحياء بتعليمات من قيادات الحرية والتغيير المركزية …
أمانة مااا وقعتو ومااا سميتو يا أولاد أم ذقدة …
ذكرتونى النهر لما يرجع بعد موسم الخريف ويخلى السمك خلفه فى برك متقطعة وبى كده يسهل صيده والإمساك به …
أها ح تمشوا وين تانى بعد كده ؟؟؟
خلاص ضيعوكم جماعة بنى قحيط وجروا خلووووكم …
كتبتو لى حياتكم الفنا …
وبقت نهايتكم المحزنة …
وصدقني ما بقدر أعيد …
هوووووووى … وعوووووووك …
يا أهلنا يا حبايبنا …
يا ناس ولاية الخرطوم … والله مشتاقين …
بعد ده جهزوا شنطتكم للعودة إلى منازلكم يا سكان العاصمة الخرطوم …
نحن فى انتظاركم فى ولاية الخرطوم الآن قبل نهاية اليوم …
