مالو اعياه النضال بدني… الحلقة التاسعة

الظهيرة- عبد الله حسن محمد سعيد:

للشعر مكانا مرموقا في وجدان الشعب يعبر عن داخلهم وما تحويه صدورهم وقلوبهم من الاحاسيس واجملها الاحساس بالوطن والتعبير عن العشق الوطني والتفاعل والانفعال باحداثة …

وابو خريس رجل طوع الحرف تعبيرا عن ما يجيش به صدره من احاسيس تجاه الاحداث التي حركت كوامنه ليبدع في هذه الابيات التي تتحدث عن السودان بعد ان تكالبت عليه اكلة قحط تبتغي حكمه وقيادته.

فكان هذا الانفعال الصادق والرفض القاطع من رجل تشرب بحبه للوطن وظل يترجم ذلك كله بكلمات لها من المعاني ما يجعلها سفرا كاملا من الانفعالات الصادقة بالوطن الذي يتدافع الناشطون السياسيون والساقطون في وحل العمالة والارتزاق لحكمه.

فكان التعبير العفوي صادقا ورائعا وهو يرسل رسالة لؤلئك المجتمعون في اديس يرفض فيها هذا التداعي …..
مابترضي يوم تنهان رعيتك ………..

ما بترضي يوم تنباع قضيتك . ………
ما بترضي يوم تطمس هويتك . ……….

كل ما تملك هو ليك وديتك …………
ما بقودك رعاع وهين …………

الا زول في طرحو بين …………
بل ورع وشجاع ودين …………..

طيب اصل في طبعو لين ………. ….
ما بقودك الا زول اصل الاصاله ………..

حامل كم شهاده وكل انواع البسالة …….. …
طيب اصل من ارقي انواع السلاله ………..

ترضي عنو الناس جميع نهجو من صاحب الجلالة . ……… ما بقودك راعي طاش …. ……
ما بقودك دافعنلو كاش …………

ما زول تحتو خطين والف داش ………..
ما زول جايي من عامة غواش …………

ما بقودك رعاع وراعي …………
الا زول في فكرو واعي . ………..

ولا زول طيب المساعي ………
ببقي قمة كلما دعت الدواعي ………

ما بقودك دعامي هامل …………
الا زول في خلقو كامل ………..

الا زول في طرحو شامل …………
بيعرف ادب القيادة وكم شهاده في راسو حامل ………….

الشاعر الطيب ابوخريس … دبركي ولاية سنار …