د.أحمد منصور المحامي يكتب… وجدى صامولة وأوهام ثورته المشتعلة
فى قناة الجزيرة ظهر لنا وجدى صامولة (خرّاب الثورة) بحديث يحير ويدل على أن صامولة وزمرته للآن لم يفارقوا محطتهم محطة الغباء السياسى …
يا أبو الصواميل بالبلدي كده الحرب دى قامت بى سببكم وقد أشعلتموها بإطاريكم الإقصائى وقد مات فيها مئات الآلاف من السودانيين ومازالت الأرواح تزهق …
وتم فيها إغتصاب الحرائر وخطفهم وسرقة العربات المواطنين ومنازلهم وتم فيها نهب المواطنين وإختطافهم وإخراجهم من منازلهم وتسكين جناحكم العسكرى فى منازلهم فلم نرى منكم إدانة أو رفضا أو إنكارا ضد الذى فهل تلك الأفاعيل ضد الشعب السودانى إن كان فى ولاية غرب دارفور.
أو فى ولاية الخرطوم وجيت لينا يا صامولة اليوم بلا أدنى خجل أو إستحياء عشان تقول لينا متحدثا بإسم الشعب السودانى بأن الثورة مستمرة ومشتعلة …
أصحى يا فالح لأن شباب الثورة الآن يحملون السلاح ويدافعون عن أعراضهم وممتلكاتهم مما يفعله جناحكم العسكرى …
أما كنداكاتكم فقد أصابهن ما أصابهن من تشريد وترهيب وإغتصاب وخطف وقتل وتأجير قسرى من ولاية الخرطوم من قبل جناحكم العسكرى الدعم السريع …
أما شهداءكم فبعتموهم بأبخس الأثمان حينما وقفتم الآن وقفة صلبة مع جلادهم الذى قتلهم وسحلهم وأغتصبهم فى ميدان إعتصام القيادة …
(تانى يا بنى قحيط لا مكان لكم فى قلوب الشعب السودانى إن كانوا إسلاميين أو ثورجية أو مستقلين لأنكم أنتم السبب فيما حدث لهم) …
… أخيرا …
لكن يا حزب الأمة لقيتكم لا بتخجلوا ولا بتختشوا بقيتو مهربين للذهب لتدمير الإقتصاد الوطنى …
هاكم الإسم الجديد لى حزب الأمة القومى وهو حزب الأمة الذهبي …
سمعنا بأغنية الدهباية لكن لم نسمع إطلاقا بأغنية صديق دهباية …
يا جماعة حزب الأمة القومى ده خلاص إنتهى نهاية نعجة عديل كده …
معقولة يا جماعة ناس دايرين يجيبوا لينا الديمقراطية بى تهريب الذهب لإمارات الشيطان عشان تديهم سلاح لجناحهم العسكرى يحاربوا بيهو جيش السودان …
(هوووووووى يا البرهان الكلام ده بقى كبير شديد ولازم يقيف نهائيا) …
قلت لكم من قبل بنى قحيط ديل سبب دمار السودان ولن يتم النماء والإذدهار لبلادنا إلى بعد سحقهم نهائيا …
منتهى السفااالة يا خونة …
