عباس حديبة يكتب… الإمارات…. دنيا زايلي

طبعاً خالتو أمريكا دي لو قامت في اي شي بنجض….اها تقومي يا أوربا مما شافت اختها الكبيره حذرت يقومن أخواتها الصغار يتشجعن..

ورسلن رئيسة المفوضية الاوربيه تقوم بواجبهن.. والغريبه اسمها واضح شديد ومغارز مغارز (رسلولا فون لاين) شوفتو الكلام دا اسم يشتغل عربي وانجليزي..

المهم في متابعتي لنضميها في التلفزيون عرفتها زعلانه بالحيل شديد وكلامها قوي وناشف شديد..
وقالوا :- (القلب كان ابااك الوش بديك خبر..)…

المهم ماعاوزه تسمع سيرة الدعم السريع نهائي من مقلب حديثها ساي مع المذيعه،، وشالت شوفها وغزتو في الإمارات وختت بالها على زويل الإمارات الزي التقول مصنوع صناعة دا..

وحومرت لي روسيا وعلاقتو بيها وتهمتو تهمة التلاعب بالغانون..

غايتو هلا هلا على الجد الوليه دي ما بتتفاهم وضهرها قوي..

الشغله إتعدت حل الدعم السريع واللعب بقى حق ناس كبار فوق. غايتو أهلنا بقولوا يسوها الصغار ويقعوا فيها الكبار..

والكلام دا يا اخواني المرقت بيهو من الخواجيه الشعِيته دي.. الله يكفينا شرها وادينا خيرها وحوالينا ما علينا..