منصور الهادي يكتب… خطاب ممتاز… لكن سيردم لأغراض سياسية!!

صراحة……. الموضوع فات حدو.  

حتى خطاب برهان في القمة العربية الأفريقية تم انتقاده…

الخطاب القبل شوية دا..

الجماعة حصلوه بالإساءة والكلام الشين…

عبدالرحمن عمسيب بتاع دولة البحر والنهر قال: بعد سبعة شهور من الحرب برهان يصف المليشيا بأنها عنصرية…

نظام برهان متواطي ولأ متواطي..؟

واحد تاني قال:
شفتو برهان قاعد كيف؟!

ما عندو برتوكول أحرجنا يااااخ..

نظام برهان متواطي ولأ متواطي؟!

المهممممممممممم…

اي حاجة في أي سبوبه بس يتكلموا ويعملوا فيها انهم عارفين اي حاجة..

الناس ديل حكاية الالتفاف الشعبي الحصل حول الجيش فسروه غلط وشيطانهم قال ليهم احتمال برهان تعجبوا الهيصة دي ويفكر يترشح رئيس وينافسكم في الكرسي..

احتمال يفكر؟!

يازووول دا بكون مجهز نفسو عديل…

أردمووووووه.. وانصروا كراسيكم…

يااااخ والله ان شاء الله برهان يترشح رئيس عشان نوريكم البل والحشد بإذن الله..

المهمممممممممممم..
حديث برهان أمام القمة الأفريقية السعودية حديث مرتب ومهم وحقيقي..

أهم..

ما جاء في خطاب البرهان هو لفته النظر البارعة لأن السودان هو بوابة السعودية تجاه أفريقيا..

بتجو بوين يا سعودين كاستثمار لأفريقيا غير البحر الأحمر وبورتسودان والميناء…

ااااااي ركزوا…

نحن البوابة..

وكلو مرتب وعوجه مافي تب.. بس المليشيا عامل حركات وهي تبع الإمارات..

معروف طبعا الحساسية بين الإمارات والسعودية حتى في موضوع مليشيا الدعم السريع والحصل في حرب اليمن..

برهان..

طالب القمة المعتبرة بتصنيف المليشيا كمليشيا أرهابية..

وحذر الأفارقة بأنها مليشيا تعمل علي إزاحة الأفارقة واستيطان عربان الشتات…

الأفارقة نططوا عيونهم طبعا ورأس السوط وصلهم ..

برهان..

أكد أمام القمة تورط دول إقليمية وعالمية في دعم المليشيا وسكت عن الأسماء أمام الملا ولكن بلاشك ذكرت في الجلسات الخاصة…

المندوب الإماراتي بكون صلح قعدتو في الكرسي..

برهان..

أكد للسعودية أن السودان جاهز للاستثمارات السعودية.. والسعودية تعلم أن السودان سلة غذاء العالم الأمر الذي دفع ولي العهد في كلمته لتأكيد أن أمن السودان وفكرة تقسيمه خط أحمر عند المملكة…

خطاب ممتاز…
لكن سيردم لأغراض سياسية…