(خمة نفس) عبدالوهاب السنجك يكتب : نقطة.. نقطة
نقطة (1)
الوقت يمضي ونحن مازال نتهم فلان وعلان من دون إثبات ودليل قاطع، الوطن في حاجة للجميع والجميع سواسية في الواجبات وتحت القانون ولسنا من فوق القانون.
نقطة (2)
الوساطة والمحسوبية تتفشي وتمشي على رجليها ولا أحد يحاسب احد، كلنا مخطئؤن ولصوص حرامية.
نقطة (3)
تقاطع المستشفى العمومية صيدلية الخير وميس الأطباء، طبالي ودراقات بائعات الفول والتسالي إعاقة حركة السير والمرور، أين أنتم يارجال المرور وإدارة تنظيم الأسواق.
نقطة (4)
حتي لا نفقد تلميذا ونتحسر عليه. َتعالوا شوفوا براكم الوضع عند الساعة واحدة ظهرا وخروج تلاميذ المدرسة الشرقية من البواب الشمالية.. لا حول ولا قوة الا بالله.. ازدحام الطريق. أطفال (يتفسون دفس) داخل الرقشات و الأمجاد.. ليه كدا بس قالوا لينا.. “أهلهم عايزين كدا” وليه كدا بس.
نقطة (5)
ياوالي.. ياوزير..يامسئول.. لمن تكتب الصحافة وتقول هناك في قضية انفجرت أو قد تنفجر، اعمل ساتر ووضع الارتكاز وخليك مفتح عيونك زي عيون الكديس بالليل، ما تقول اهاااا دااا ما كلااام جرايد.. لانو الضربة حتى موجعة والرأي العام حيكون متابع.. ولا شنو ياجماعة.
….
(خمة نفس)
التحية لقوات مكافحة التهريب وجهاز الأمن والمخابرات الوطني بولاية الجزيرة..بودمدني (5200) الف رأس قندول بنقو وكلاشنكوف وذخيرة وكمان انتحل صفة نظامي.. بالله عليك .. أنت وقعت وقعة..الشرطة صاحية والعيون مفتوحة.. حماية للوطن والمواطنين..نبارك لكم الإنجاز الكبير.
